شاندەکە پارتیا دەمۆکراتا کوردستانێ (په‌ده‌كه) ژ بۆ پێئکانینا حكوومه‌تا نوو، چەند رۆژن ب ئالیێن سیاسی رە دەست ب دانوستاندنان کریە.
ژ داویا هەفتەیا بۆری ڤە، شاندا تایبەتا په‌ده‌كێ کو ژ بۆ جڤینا پارلامەنتۆیێ و پێئکانینا کابینەیا دەهەم، دەست ب سەردان و هەڤدیتنان ب ئالیێن سیاسی رە کریە.
شاندا په‌ده‌كێ هەتا نها سەردانا یەکگرتوویا ئیسلامی یا کوردستانێ و کۆمەلا دادوەریا کوردستانێ کریە.
ئارمانجا په‌ده‌كێ ئەوە، بگهێژە تێگهشتنەکە هەڤبەش، تا کو د زووترین دەم دە جڤینا پارلامەنتۆیێ و ئاڤاکرنا کابینەیا نوو دەست پێ بکە.
یەکگرتوویا ئیسلامی بەری نها بریار دابوو، ئەوێ د حكوومه‌تێ دە بەشدار نەبە و ئۆپۆزیسیۆن هلبژارتبوو. کۆمەلا دادوەریێ ژی، هەتا نها بریار دایە کو نەکەڤە پارلامەنتۆیا کوردستانێ.
