پشتی رووخانا رەژیما بەشار ئەسەد، گەلێ سووریێ ھێڤیا سبەھەکە باشتر و ڤەگەرا ھەموو رەڤاندیان و گرتیان بۆ مالباتێن خوە بوون، لێ کێفخوەشیا گەلێ سووریێ تەمام نەبوو، ژ بەر کو ب سەدان ھەزار گرتی و رەڤاندی د زندانان دە مانە کو چارەنڤیسا وان نەدیارە، و لگەل وان ھێڤیێن مالباتێن وان راوەستیانە.
د دەما کو چارەنڤیسا ب دەھان سیاسەتمەدار، چالاکڤان و ئەفسەرێن کوردێن نەرازی د زندانێن پارتیا یەکیتیا دەمۆکرات (پەیەدێ) دە نە دیارە، و ژ بەر خەما پێویستیا یەکخستنا رێزێن کوردی، دا کو نەکەڤە ناڤا ناکۆکیەکێ کو دبە دەرفەتا کوردان ژ بۆ بەشداربوونا د گوھەرتنێن سیاسی دە ل سووریێ وندا بکە، ئەم بانگا خوەیا ژ بۆ ئازادکرنا کەسێن رەڤاندی و ھەموو گرتیێن کورد د زووترین دەم دە، ژ بۆ بداویکرنا رەوشا زۆرداریا سیاسی کو ل کوردستانا سووریێ ھەیە، و یەکخستنا ھەلوێستێن سیاسی ب ئاوایەکی کو خزمەتا دۆز و بەرژەوەندیا گەلێ کورد بکە و د سووریەیا پێشەرۆژێ دە پێگەھا کوردان خورت بکە، دوبارە دکن.
د ھەمان دەمێ دە ئەم رێڤەبەریا ھێزێن سووریەیا دەمۆکراتیک و پارتیا یەکیتیا دەمۆکراتیک ب تەڤاھی ژ ژیانا وان بەرپرسیار دبینن، ئەم بانگ ل وەلاتێن چالاک ل سووریەیێ و رێخستنێن نەتەوەیێن یەکبوویی دکن کو زەختێ ل ھێزێن سووریەیا دەمۆکراتیک بکن دا کو چارەنووسا ڤان گرتیان ئەشکەرە بکن.
ئەڤە لیستەیا ناڤێن کەسێن ھاتینە رەڤاندنە:
بەھزاد دۆرسۆن – نیدال عۆسمان – جەمیل عۆمەر – ئەحمەد سیدۆ – ئیدریس عەلوو – فوئاد ئیبراھیم – ئەمیر حامد – رەمەزان مەحموود حاجی.
ژ بلی 8 ئەفسەرێن کوردێن رەڤاندی و سیڤیلێن لگەل وان دە:
عەمید محەمەد خەلیل عەلی – عەقید محەمەد ھەیسەم – عەقید حەسەن ئۆسوو – عەقید محەمەد کلەھ خەیری – موقەدم شەوقی عۆسمان – راید بەھزاد ناسۆ – نەقیب حوسێن بەکر – موولازم ئەوەل عەدنان بەرازی – رێھەڤالێ سڤیل لگەل ئەفسەران راغب مەحموود.
مالباتێن کوردێن کو ژ ئالیێ پەیەدێ ڤە ھاتنە رەڤاندن
14 کانوونا 2024
