ھەڤسەرۆکێ کەجەکێ جەمیل بایک دەربارێ پێڤاژۆیا نوو دە دبێژە، ھەتا نھا وان چ پەیام ژ عەبدوللاھ ئۆجالان وەرنەگرتنە.
ھەڤسەرۆکێ کۆنسەیا رێڤەبەرا کەجەکێ جەمیل بایک ژ بۆ کەنالەکێ پەکەکێ ئاخڤی و تێکلداری گەشەدانێن پشتی ھەڤدیتنا شاندا دەم پارتیێ لگەل رێبەرێ پەکەکێ عەبدوللاھ ئۆجالان گۆت. ھەتا نھا چ ئاگاھی نە ژ عەبدوللاھ ئۆجالان، نە ژی ژ دەولەتێ نەگھشتینە مە.”
جەمیل بایک دیار کر، د رەوشا ھەیی دە دەولەتا ترکیەیێ ل دژی گەلێ کورد و تەڤگەرا ئازادیێ شەرەکی مەزن دمەشینە. ھەروھا گۆت، ئەگەر دەولەتا ترک ب راستی ژی دخوازە خوشک-براتیێ پێش بخە، دڤێت مافێن کوردان ئەساس بگرە.
تەکەزی ل سەر وێ یەکێ ژی کر، ھەر چقاس شاندە چووبوون ھەڤدیتن لگەل ئۆجالان کربن ژی، تەجریدا ل سەر وی رانەبوویە و دەوام دکە و ئۆجالان د ناڤا شەرت و مەرجێن تەجریدێ دە نکارە رۆلا خوە بلیزە.
ئاماژە ب وێ ژی کر، عەبدوللاھ ئۆجالان بەیاننامەیەکا ژ 7 خالان پێک تێ بەلاڤ کر. ڤێ یەکێ ژ بۆ چارەسەریا پرسگرێکان مانیفەستۆیەکا پر ئەشکەرە دا دیارکرن کو دێ پرسگرێک چاوا هێن چارەسەرکرن. دڤێت دەولەت ژی ب ئەشکەرە فکر و نێرینێن خوە دیار بکە. دەولەت د ڤر دە گاڤان ناهاڤێژە، لەوما ئەڤ یەک گومانان چێدکە. دڤێت ئەڤ گومانە رابن.
د ڤێ دەربارێ دە، ئەندامێ شاندا ئیمرالیێ ئەحمەد تورک پێشتر گۆتبوو، پشتی سەردانا دویەم، یان یا سێیەم بۆ ئیمرالیێ، عەبدوللاھ ئۆجالان دێ بانگ ل پەکەکێ بکە کو چەکان دەینە.
