وەزارەتا پێشمەرگە راگھاند، پشتی کو شانەیەکا رازایی یا داعشێ ل خورماتوو ل پارێزگەھا کەرکووک، ئێرشی چەند شڤانان کر، ھێزێن پێشمەرگە یەکسەر ل ناڤچەیێ دەست ب تەڤگەرێ کرن و کارین شڤانان رزگار بکن.
وەزارەتا پێشمەرگە ئیرۆ 19 شوباتێ د داخویانیەکێ دە راگھاند، شانەیەکا رازایی یا داعشێ ل گوندێن خورماتوو ب تایبەت دەردۆرا گوندێن دوراجی و خەرایێ ئێرشی چەند شڤانان کر و د ئەنجامێ دە شەر و پەڤچوون د ناڤبەرا وان دە دەرکەت.
وەزارەتێ ئەشکەرە کر، پشتی ھایداربوونا ھێزێن پێشمەرگەیێن کوردستانێ یێن ل دەڤەرێ، ئەو بلەز چوون جھێ بوویەرێ، ژ بۆ رزگارکرنا شڤان و خەلکێ دەڤەرێ و کارین شڤانان ب سلامەتی ڤەگەرینن دەڤەرێن وان و تەرۆریست بەر ب جھەکی نەدیار ڤە رەڤیان.
وەزارەتا پێشمەرگە دبێژە، پێشمەرگەیێن کوردستانێ دێ ھەر دەم ھشیار بن و ب مێرخاسی و دەستەکی پۆلا رووبروویێ ھەموو لڤ و تەڤگەر و کریارێن تەرۆریستێن داعشێ ببن.
ل گۆری ئاگاھیان ، ئیرۆ 3 شڤان ل گوندێ دوراجی یێ د ناڤبەرا کفری و خورماتوویێ دە، لگەل ھەژمارەکا چەکدارێن داعشێ کەتبوون شەری.
