ئەندامێ کۆمیتەیا رێڤەبەر یا پارتیا کارکەرێن کوردستانێ (پەکەکێ) دوران کالکان راگهاند، کۆنگرەیا کو ئۆجالان تێدە نەبت نەشێت بریارا بێچەکبوونێ بدت، هەر وەها گۆت: تاکە کەسێ کو دشێت ڤێ یەکێ بکە ئۆجالانە و تەنێ ئەو دشێت ڤێ بریارێ ژ بۆ پەکەکێ بدت.
کالکان بەشداری بەرنامەیەکا تایبەت یا کانالا مەدیا خەبەر یا پەکەکێ بوو و گۆت: “ئەڤ نەورۆزە دێ بتە نەورۆزا ئازادیا ئۆجالان و ھەر کەس دخوازە شەرت و مەرجێن ژیان و کارێ ئازاد ژ بۆی ئۆجالان هەبن و ل ھەمبەر ڤێ ژی ئیشکەنجە و زەختێن ل ئیمرالیێ بێن راکرن.” هەر وەها دبێژە: ئەم ھێڤی دکن کو نەورۆزا ئیسال ببە نەورۆزا ئازادیا ئۆجالان و ترکیە و رۆژھلاتا ناڤین دەمۆکراتیک ببن.
ھەر وھا بانگ ل وەلاتیێن باکورێ کوردستانێ، گەلێن ترکیێ و رۆژھلاتا ناڤین دکە و دبێژە: ژ بۆ پیرۆزکرنا نەورۆزێ ب جۆش داکەڤن قادان و نەورۆزێ پیرۆز بکن، د هەمان دەم دە ب دەنگەک بلند داخوازا ئازادیا ئۆجالان بکن.
کالکان گۆت، “پشتی پەیاما دیرۆکی یا ئۆجالان دێ شاندا دەم پارتیێ لگەل ئالیان ھەڤدیتنێ ئەنجام دت، گۆتووبێژێن جودا ھەنە، دۆست و دژبەر ژی ھەنە، لێ ھندەک کەس ھەول ددن ل گۆر خواستەکا خوە نرخاندنا بکن، لێ د پراکتیکێ دە تشتەک نینە، لۆما ئاخافتن هەیە، لێ پراکتیک تونەیە.
دبێژە ژی: پەیاما ئۆجالان دەنگڤەدانەکا جیھانی هەبوو. ھەر کەسی داخویانی دا، خوە ئامەریکا، چین و وەلاتێن دن ژی ھەلوەست نیشان دان، لێ ھێڤی و بەندەواریێن سیاسی دێ چاوا بن، نایێ زانین، ژ بەر کو د پراکتیکێ دە، تشتەک زێدە تونە.”
دوران کالکان رەخنە ل دورووتیا سیاسی یا ھێزێن ترکیێ گرتن و گۆت، “حیزبێن ترکیێ خوەدی ھەلوەستن و دەم پارتیێ رەد ناکن، بەلکو ب گەرمی پێشوازیا وێ دکن، لێ ل پێشبەری مەدیایێ ھەر تشتێ ژەھرین دبێژن. ئەڤ ژی ڤێ راستیێ نیشان ددە کو ئەو زێدە نەھاتنە گوھەرتن. ژ بەر ڤێ یەکێ ھەر کەس ل بەندێیە، جڤاک، رایا گشتی ل بەندێیە کو دەستھلاتداری گاڤێن جدی باڤێژە.
ھەروەسا گۆت، پێنگاڤێن حکوومەتا ترکیێ بۆ ئاشتییێ ونداکرنا دەمی یە، لەوما دڤێت بزانن کو ئۆجالان شانسێ وان یێ داوییە، دەمۆکراتیک بوون ل سەر بناغەیێ ئازادیا کوردان ژ بۆی یەکپارچەییا ترکیەیێ داوی دەرفەتا ل بەر دەستێ ڤێ دەستهلاتێ یە؛ گەر ئەڤ خالە ل بەر چاڤان نەیێن گرتن، نزانن دێ سبەرۆژا وان چاوا بت، ژ بۆ ئەڤ بانگاوازی بهێتە جێبەجێکرن، دڤێت ئۆجالان د ناڤا شەرت و مەرجێن ئازاد دە بخەبتە و تێبکۆشە، لێ دەستھلاتداریێ بەرپرسیاریێن خوە ب جھ نەئانیە.
کالکان ئاخاڤتنا خوە بەردەوام دکە و وەها دبێژە، “پەیاما ئۆجالان ل سەر داخوازا دەولەت باخچەلی بوو، باخچەلی گۆت دڤێت ئۆجالان بهێتە پەرلەمانێ ترکیێ، لێ د رەوشەکا ب ڤی ئاوا دە ئۆجالان چاوا دشێت ژ گرتیگەھێ رزگار ببت و بچت پەرلەمانی و پەیاما خوە بدت؟ لۆما پێویست ناکت هێزێن سیاسی یێن ترکیەیێ خوە وەکە خوەدی ماف بزانبن و دەست دەینن سەر دەرفەتێن پەکەکێ، لۆما ئەم دبێژین وان، ئەڤ ھەولدانا وە خوەستەکەک نە موومکن و پووچە.
