عەڤدللا ب خوە د زیندانا ئیمرالیێ دە ژ پارێزەرەکێ خوە رە دبێژە، هەژمارا کادرۆیێن ب دەستێ مە ب خوە هاتین کوشتن ژ هەژمارا کادرۆیێن ب دەستێ دەولەتا تورک هاتین کوشتن زێدەتر.
بەلێ، عەڤدللا ئۆجالان تو جاران د تو قادەکە شەر دە ئامادە نەبوویە، دەما ل کینیایێ هاتی گرتن ژی رازی نەبوو ل بەر خوە بدە و گۆت، “ئەز بەرخوەدانەکە کلاسیک ئەنجام نادم” لێ ئەڤ ژی وەکە لەهەنگیەک ژ کوردان رە باس کر.
پەکەکێ و رێبەرێ وێ یێ زیندانکری پرسگرێکا کوردان ل بەر کوردان بەرزە کر و بەرێ وان دا ئالیەک دن، ژ سلۆگانا رزگاریا کوردستانێ، بژی کورد و بژی کوردستان و هتد بەرێ کوردان دا سلۆگانێن وەکە “کۆنفەدرالیزما دەمۆکراتیک، براتیا گەلان”، ئێدی کورد ب قادەکە ئەوقاس تاری ڤە برن کو نها ب تایبەتی ل باکورێ کوردستانێ ل شوونا کورد ببێژن، “بژی کوردستان، بێی وەلات ژیان نابە” دبێژن، “بژی سەرۆک ئاپۆ، بێ سەرۆک ژیان نابە”.
هەر وەک ئەڤقاس خوینا کوردان ژ بۆنا کوردستانەکە ئازاد و سەربخوە رژاندی شاشیەک زمانی بە و ئەم بکاربن ڤێ شاشتیا زمانی ب چەند ئیدیەمان سەرەراست بکین.
عەڤدللا پرسگرێکا کوردان ل بەر وان دا بەرزەکرن، هەر 10 سالان جارەکێ بەرێ کوردان ددە ئالیەکێ، ل گۆر حەز و ئارەزۆ و بەرژەوەندیێن خوە کوردێن ئالیگرێن خوە ئاراستە دکە.
