دەستەیا رێڤەبەرا په‌كه‌كێ راگهاند، پشتی بانگا ئابدوڵاهـ ئۆجالان یا 27ێ سباتێ، دەستهلاتێ ترکیەیێ ت گاڤ نەئاڤێتنە، لێ په‌كه‌كه پابەندی بانگا ئۆجالانە.
دەستەیا رێڤەبەرا په‌كه‌كه‌ێ دوهـ 28ێ نیسانێ ب بۆنەیا هاتنا 1ێ گولانێ، رۆژا کارکەران یا جیهانی پەیامەک بەلاڤ کر و تێ دە گۆت: «ئەشکەرەیە کو ئاشتی بێیی ئازادی و دەمۆکراسیێ نابە. بێیی ئاشتیا کوردستانێ نە ممکوونە کو ل رۆژهلاتا ناڤین و جیهانێ داوی ل پەڤچوونان بێن و ئاشتیەکە راستەقین پێک وەرە».
دا خویاکرن؛ ئەو چاڤەرێ دکن مەرجێن ئابدوڵاهـ ئۆجالان باش ببن و ب ئاوایەکی ئازاد بکارە کار بکە، دا کو پێدڤیێن بانگا 27ێ سباتێ جیبجی بکە.
دەستەیا رێڤەبەرا په‌كه‌كێ دیار کر ژی، ل گەل گێرۆکرن و ئۆپەراسیۆنێن ئارتێشا ترکیەیێ، په‌كه‌كه گرێدایی داخویانیا خوە یا نەورۆزێ یە کو پابەندبوونا خوە ب بانگا ئابدوڵاهـ ئۆجالان نیشان دابوو.
