هەڤدەمی راگهاندنا هلوەشاندنا خوە، پەکەکێ مرنا عەلی حەیدەر قەیتان و رزا ئالتون ژی ئەشکەرە کر
ئیرۆ رۆژا دوشەمبی، 12/5/2025، پارتیا کارکەرێن کوردستانێ (پەکەک)ێ بریارێن کۆنگرەیا خوە یا 12 ئاشکەرا کرن و ب ناڤێ پەکەکێ ھەموو خەباتێن خوە ب داوی ئانین و ب ئاوایەکی فەرمی خوە هلوەشاند.
هەڤدەمی راگهاندنا هلوەشاندنا خوە، پەکەکێ مرنا دو ژ ئەندامێن کۆنسەیا رێڤەبەر یا پەکەکێ ژی ب دالقاندنا وێنەیێن وان لگەل وێنەیێن “شەهیدێن پەکەکێ” ئەشکەرە کر.
پەکەکێ وێنەیێ هەر یەک ژ “رزا ئالتوون و عەلی حەیدەر قەیتان” ژی کو ئەڤ دەمەک درێژە خویا نەبووبوون لگەل وێنەیێن شەهیدێن خوە دانین و ب ئاوایەکی فەرمی د داخویانیا هلوەشاندنا پەکەکێ دە، مرنا ڤان دو بەرپرسێن خوە ژی ئەشکەرە کر.
پەکەکێ د داخویانیا خوە دە ئەشکەرە کر، “کۆنگرەیا پەکەکێ یا 12 کو ب بانگا رێبەرتیا مە کۆم بوو، شەھادەتا کادرۆیێن پێشەنگێن پارتیا مە فوواد-عەلی حەیدەر قەیتان کو د 3 تیرمەھا 2018 دە و رزا ئالتوون کو د 25 ئیلۆنا 2019 دە شەھید بوونە ئیلان کر.”
رزا ئالتون و عەلی حەیدەر قەیتان ژ سالا 2019 ڤە وەندابوون و ب چ ئاوا د چاپەمەنیا پەکەکێ دە خویا نەدبوون، رووپەلا دارکا مازی د دو راپۆرێن جودا دە پێش نها کوشتنا ڤان دو بەرپرسیارێن پەکەکێ ئەشکەرە کربوو، لێ بەلێ هەیانی رۆژا مە یا ئیرۆ پەکەکێ مرنا وان ئەشکەرە نەکربوو.
