د ناڤا وەشانخانەیێن کوردان دە یەک ژ وەشانخانەیێن گرینگ، وەشانخانەیا زیلانێ یە. لۆما ئەم دخوازین خزمەتا بەرھەم، وێژە و نڤیسێن ب کوردی، بکن. ژ وان خزمەتێن مە یەک ژێ ژی شانۆیا لێکۆلینەرێ کورد نڤیسکار بووبێ ئەسەر یا ب ناڤێ “دیرۆکا روورەش: ئەنفال” ب ناڤێ «کارا تاریخ» ب ترکی ھاتە وەشاندن.
ئەڤ بەرھەما ھێژا، ب ئەنفالکرنا ھەشت ھەزار زەلامێن بارزانیان ب زمانێ شانۆگەریێ هاتیە نڤێساندن. د ڤی واری دە د وێژەیا کوردی دە شانۆیا یەکەمینە کو ل باکورێ کوردستانێ ل سەر ئەنفالێ ھاتیە نڤیسین و وەشاندن.
د ڤێ بەرھەما “دیرۆکا روورەش: ئەنفال” دە کو ژ پێنووسا بووبێ ئەسەر دەرکەتیە. ئەنفالا کو یەک ژ تراژەدیێن ھەری گرانێن ل دژی گەلێ کورد ھاتیە کرن، جارا یەکەم د فۆرما شانۆیێ دە ھاتیە چاپکرن و د قادا وێژەیێ دە ڤالاھیەکا گرینگ تژی دکە.
پرتووک ژ ئالیێ برێز جانۆ ئامەدی ڤە بۆ ترکی ھاتیە وەرگەراندن.
نڤێسەر یەک ب یەک لگەل شاھدێن وێ بوویەرا قرێژ ئاخافتیە و پشت را ئەڤ شانۆ نڤیساندیە. ئانگۆ ئەڤە ل سەر ئاساسێ راستیا وێ بوویەرێ ھاتیە نڤیساندن کو ل سەر دەپێ شانۆیێ بهێت لیستن داکو وێ کارەسەتێ ب مە خوەندەڤان و تەماشەڤانان بدە زانین.
دەما کو نڤیسکار بووبێ ئەسەر ژ سوێدێ بەر ب وەلاتێ خوە یێ ئازاد باشوورێ کوردستانێ ڤە دفرە. ل دەڤەرا بارزان و ل باژارۆکێ بلێ ب جھ دبە. بەریا کو دەست ب خەباتا خوە بکە، ئەو سەردانا گۆرێن مەلە مستەفا بارزانی و ئیدریس بارزانی دکە و سۆز ددە وان کو ھەتا ژ وی بێ دێ ئەو ل گۆر وێ رێبازا پیرۆز کار و خەباتێن خوەیێن رەوشەنبری و نڤیسکاری بکە دا کو قونجکێن تاری مانە ب پێنووسا خوە رۆھنی بکە. پشتی سەرەدانا مەزارێن نەمران ئەو خەباتا خوە، ب رۆژێ سەرەدانا سێ مالێن ئەنفالیان دەستپێ دکە.
نڤیسکار بووبێ ئەسەر د تەڤاھیا خەباتێن خوەیێن ل باشوورێ کوردستانێ کو ب قاسی سالەکێ ل ور بوو، رۆژێ ھەری کێم سێ مالباتێن کەسێن وان ھاتبوون ئەنفالکرن زیارەت دکە. ئەو ب تایبەتی لگەل دایکێن مێرێن وان ھاتبوون ئەنفالکرن، ژن و زارۆک و باب و برایێن خوە وەنداکربوون ئانگۆ ھاتبوون ئەنفالکرن یەک ب یەک ھەڤدیتنان پێک تینە.
نڤیسکار ب سایا شاھدێن کو وی د ڤان ھەڤپەیڤینان دە بەرھەڤکربوون ب کووراھیەکا ھەستیار و راستیبین تەڤلی بەرھەما خوە کر.
ھەر وەھا نڤیسکار بووبێ ئەسەر، ژ بۆ کو کارەساتا ئەنفالێ ب کوردان و ب جیھانێ بدە زانین، ئەو ب زمانێ رۆمان و شانۆیێ گەلەک قونجکێن تاری مابوون رۆھنی دکە. لۆما ژی ئەو پشتی چاپا بەرھەما ئەنفالێ، رۆمانا وێ ژی ب ناڤێ بارزان دگرە ددە وەشاندن. پشتی وێ ژی ئەو وان ھەڤپەیڤینن کربوون ژی وەکە پرتووک ب ناڤێ قێرینا بارزان ددە وەشاندن. بەرێ بەری ڤێ شانۆیێ ژی بەرھەما نڤیسکاری یا ب ناڤێ رێباز بۆ کوردی وەشاندبوو نھا ترکیێ وێ ژی ژ بۆنا چاپێ ئامادەیە.
ئەڤ بەرھەم و ھەمی بەرھەمێن نڤیسکارێ زیرەک بووبێ ئەسەر یێن ل سەر ئەنفال ھشێ جڤاکێ زندی دھێلە و کەرەساتا ئەنفالێ ب وان ددە زانین. ئەنفالێ چاوا دەستپێکربوو و ئارمانجا وێ چ بوو؟
دیرۆکا روورەش: ئەنفال نە تەنێ بەرھەمەکا وێژەیییە، ژ بەر کو ھشێ گەلێ کورد یێ دیرۆکی زندی دھێلە د ھەمان دەمێ دە خەباتەکا گرینگە.
بەرھەما کو تراژەدیێ تینە سەر دەپێ شانۆیێ، ھم دەرفەتێن شانۆیێ وەک شێوەیەکی ھونەری ب کار تینە و ھێم ژی د وێژەیا کوردی دە دەریێکی نوو ڤەدکە.
وەشانخانەیا زیلانێ ھەول ددە کو ھەمی بەرھەمێن نڤیسکارێ زیرەک و ژێھاتی ب ترکی و کوردی بدن وەشاندن دا کو کوردێن باکورێ کوردسانێ ئەنفالێ باش فێر ببن بزانن کا چ ئافات و تۆفان ئانبوو سەرێ گەلێ مە ل باشوورێ کوردستانێ.
وەرگەرا شانۆیا ترکی یا ب ناڤێ «کارا تاریخ»ل پرتووکفرۆشێن ناڤدار و ل کانالێن بەلاڤکرنێ یێن وەشانخانەیا ئاکادەمیا زیلانێ/زیلان ئاکادەمیێ ب خوەندەڤانان رە دجڤە. ب ھێڤیا کو ھوون ژی وێ بکرن و بخوینن دا کو ئەنفالێ ل سەر ئەساسێ راستیێ فێر ببن.
سلاڤ و رێز
وەشانخانەیا ئاکەدەمیا زیلانێ.
