ئابدوڵاهـ ئۆجالان بانگه‌كه ڤیدیۆیی ده‌ربارێ چه‌كدانینا په‌كه‌كێ و پێڤاژۆیێ پارڤه‌كر
رێبه‌رێ زیندانكری یێ په‌كه‌كێ عه‌بدوللاهـ ئۆجالان په‌یامه‌ك ده‌ربارێ چه‌كدانینا په‌كه‌كێ پارڤه‌كر و گۆت كو ئه‌م ب ڤێ هه‌نگاڤێ داویێ ب ته‌ڤگه‌را په‌كه‌كێ دئینین.
ئیرۆ رۆژا چارشه‌می 9 تیرمه‌ها 2025ێ په‌یاما ڤیدیۆیی یا ئۆجالان ده‌ربارێ پێڤاژۆیا چاره‌سه‌ریێ و چه‌كدانینا چاڤه‌رێكری یا په‌كه‌كێ هات پارڤه‌كرن. په‌یام ڤیدیۆیی یه و بەریا دەمەکە کورت ژ ئالیێ ئانفێ ڤە هات بەلاڤکرن لێ دڤێ وەرە گۆتن کو ئه‌و بانگ ل 19ێ هەزیرانێ هاتیە کرن.
ئۆجالان د بانگا خوە دە گۆت: «په‌كه‌كێ دەست ژ ئارمانجا ئاڤاکرنا دەولەتا نەتەو بەردایە، ب ڤێ یەکێ رە ژی دەست ژ ستراتەژیا شەر ژی بەردایە. ئانگۆ داوی ل هەبوونا خوە ئانیە».
بانگا نوو یا ئابدوڵاهـ ئۆجالان ب ڤی رەنگی یە:
هەڤرەیێن هێژا
تەڤگەرا مە یا خوە دسپێرە هەڤرێتیا کۆمونالیست، د رەوشا خوە یا هەیی و پرسگرێکێن هەیی دە، تێکلداری رێیێن چارەسەرکرنا پرسگرێکان، دوبارە بە ژی ئەز دێ ب نامەکەیەکە بەرفرەهـ و شێنبەر، بەرسڤێن ئافرینەر بدم وە و ڤێ یەکێ ژی وەکە ئەرکەکە ئەخلاقی دبینم.
27ێ سباتا 2025ان من بانگا ئاشتی و جڤاکا دەمۆکراتیک کر و ئەز هێ ژی ڤێ بانگێ دپارێزم. د کۆنگرەیا 12ان یا فەسخکرنا په‌كه‌كێ دە وە ب بەرفەرەهی و ئاوایەکی پۆزیتیڤ بەرسڤ دا و ئەز ڤێ هەلوەستا وە وەکە بەرسڤەکە دیرۆکی دنرخینم.
دڤێ رەوشا هەیی وەکە ئەنجامەکە دیرۆکی و هێژا وەرە دیتن. د ڤێ ناڤبەرێ دە کەدا هەڤالێن کو ب رۆلا پرێ رابوونە ژی ئەو چەندی هێژا و ب قیمەتە.
داویا هەموو پێشکەتنێن روودان ب قاسی کو ڤەگوهەرتنەکە دیرۆکی بە، من مانیفەستۆیا جڤاکا دەمۆکراتیک ئامادە کر. ئەڤ مانیفەستۆ وەکە سەرکەتنا مانیفەستۆیا رێیا شۆرەشا کوردستانێ یا 50 سالییە. نە تەنێ ژ بۆ جڤاکا کورد، هەر وها ئەز باوەرم کو ژ بۆ هەرێم و هێزێن جڤاکا گەردوونی ژی خوەدی هەمان ناڤەرۆکێ یە. ت فکارێن من تونن کو ئەڤ یەک میناکەکە سەرکەتی یا کەڤنەشۆپیا مانیفەستۆیا دیرۆکی یە.
دکارم ئەشکەرە ببێژم، ئەڤ پێشکەتن ئەنجاما هەڤدیتنێن کو من ل ئیمرالیێ پێک ئانینە. ژ بۆ ئەڤ هەڤدیتن ل سەر ئەساسێ ئیرادەیا ئازاد دە پێک وەرن هەولدان د ئاستا هەری ژۆر دە هاتن نیشاندان.
قۆناغا هەیی مە نەچاری دەرباسبوونا گاڤێن نوو یێن پراتیک دکە. ئەڤ قۆناغ و گاڤێن وێ یێن پێویست خوەدی گرینگیەکە دیرۆکی نە. ژ بۆ وەرە فێمکرن و ل گۆری وێ دلسۆزی بێ نیشاندان، ئەلزەمە کو ئەم پێشدە بچن.
– تەڤگەرا په‌كه‌كێ یا خوە دسپارت بداویکرنا ئینکارا هەبوونێ و ئاڤاکرنا دەولەتەکە جودا، ستراتەژیا شەرێ رزگاریا نەتەوەیی هاتیە بداویکرن. هەبوون هاتە ناسکرن، لەوما ئارمانجا سەرەکە ژی پێک هاتیە. ژ بەر ڤێ میعادا خوە تەمام کر. ژ دەرڤەیی ڤێ رەوش وەکە دوبارەکرن و خەتماندن هاتە نرخاندن. دێ دوبارەکرن و خەتمینێ روو بدە. ل سەر ڤی ئەساسی وێ رەخنە و خوەرەنەکرنێن بەرفرەهـ دەوام بکن.
– ژ بەر کو سیاسەت ڤالابوونێ قەبوول ناکە، دڤێ ستراتەژیا بەرنامەیا ب سەرناڤێ ئاشتی و جڤاکا دەمۆکراتیک سیاسەتا دەمۆکراتیک وەکە تاکتیکەکە بنگەهین ب هقووقەکە هەڤگرتی وەرە داگرتن. د واتەیا دیرۆکی دە ئەم بەحسا پێڤاژۆیا دیارکرنا قەدەرێ دکن.
– د رەوشا هەیی دە دانینا چەکدان ب دلداری و ل سەر هیمێ هقووقێ خەباتا ئاڤاکرنا کۆمیسیۆنەکە بەرفرەهـ و ئەرکدار ل ناڤا پارلەمەنتۆیا ترکیەیێ گرینگە. شەرتە کو گاڤێن وەرن ئاڤێتن ب هەساسیەت بن و ژ مانتقێ تەنگ دوور بن. ئەز دزانم کو گاڤێن بێنە ئاڤێتن وێ ڤالا نەچن. ئەز ڤێ سامیمیەتێ دبینن و باوەر دکم.
– لەوما هەولدان تێن کرن کو دەری بێنە ڤەکرن و گاڤێن پراتیکی یێن بەربچاڤ بێنە ئاڤێتن. فکرێن کو ژ ئالیێ من ڤە هاتنە پێشخستن وەکە سەرناڤ ئەڤن.
بجهانینا بەرپرسیاریێ ژ ئالیێ هەرکەسی ڤە و پێکانینا ئارمانجا ئاشتی و جڤاکا دەمۆکراتیک، تەنێ بخوەگهاندنا پەرسپەکتیفا ئەنتەگراسیۆنالیستا پۆزیتیڤ پێکانە. ژ هەموو تشتێن هاتی گۆتن، ئەنجاما دەردکەڤە: په‌كه‌كێ دەست ژ ئارمانجا ئاڤاکرنا دەولەتا نەتەو بەردایە، ب ڤێ یەکێ رە ژی دەست ژ ستراتەژیا شەر ژی بەردایە. ئانگۆ داوی ل هەبوونا خوە ئانیە. د قۆناغا هەیی یا دیرۆکی دە بەندەواری هەنە کو ئەڤ رەوش هێ بەر ب پێشدەتر ڤە وەرە برن.
ژ بۆ ئەم خەباتێن مەجلیس و کۆمیسیۆنێ ب واتە بکن، هەر وها ژ بۆ ئەم فکارێن رایا گشتی ژ هۆلێ راکن، د چارچۆڤەیا سۆزێن مە دایی دە دڤێ بەردانا وە یا چەکان ژ ئالیێ دەڤەرێن پێوەندیدار و رایا گشتی ب ئاوایەکی خوەزایی وەرە پێشوازیکرن. ئاڤاکرنا مەکانیزمەیا بەردانا چەکان وێ پێڤاژۆیێ بەر ب پێشدە ببە. ئەڤ وێ ب دلداری ببە بداویکرنا شەرێ چەکداری و دەرباسبوونا قۆناغا هقووقی و سیاسەتا دەمۆکراتیک. ئەڤ نەتێکچوونە، بەرەڤاژی دڤێ وەکە سەرکەتنەکە دیرۆکی وەرە نرخاندن. تێکلداری بەردانا چەکان وێ رێ و رێباز بێنە نیشاندان و ب لەزگینی وەرن پراتیزەکرن.
دەما کو د بن سیوانا پارلەمەنتۆیێ دەیە، وێ تەڤی پارتیێن دن ژ بۆ ئەڤ پێڤاژۆ ب سەر بکەڤە ئەرکێ بکەڤە سەر ملێ خوە ب جهـ بینە.
د ڤێ ناڤبەرێ دە، ژ بۆ مژارا ئازادیا من کو وەکە شەرت د هەموو مەتنێن بریاران دە هاتیە دیارکرن دبێژم، هوون دزانن کو من ت جاری ئازادیا خوە یا شەخسی نەکریە پرسگرێک. د مانەیا فەلسەفی دە ژی ئازادیا شەخسی ژ جڤاکێ نابە وەرە جوداکرن. ب ئازادیا شەخس جڤاک و ب ئازادیا جڤاکێ ژی شەخس دکارە ئازاد ببە. وێ ب دلسۆزی پێویستیا ڤێ راستیێ پێک وەرە.
نە ب چەک، لێ باوەریا من ب سیاسەت و ئاشتیا جڤاکێ تێ و ئەز بانگ ل وە دکم کو هوون ڤێ پراتیزە بکن.
رۆژێن داوی بوویەرێن کو ل هەرێمێ پێک تێن، گرینگی و لەزگینیا ڤێ گاڤا مە یا دیرۆکی ئەشکەرە پشتراست دکن.
تێکلداری ڤێ پێڤاژۆیێ، ئەز ب کەلەجان ل بەندا هەر جوورە رەخنە، پێشنیار و پشتگریا وە مە.
ئەڤ نیقاش ل تەڤاهیا وەلات، هەرێم و ل سەر ئاستا گەردوونی نیشان مە ددە کو هێزێن مۆدەرنیتەیا دەمۆکراتیک دبن خوەدی بەرنامەیەکە تەئۆریک و دگهێژن قۆناخەکە نوو یا ستراتەژیک و تاکتیکی. ژ نها ڤە دیار دکم، ئەز د ناڤا هەولدانێن ئامادەکرنێ دە مە و ب خوەشیبینی دکارم بێژم کو ئەز ب کەلەجان و بریارم.
بانگا من ژ بۆ دەما پێش، ل سەر ئەساس بریارێن کۆنگرەیێ و هەری داوی نێرین و پێشنیارێن کو من د ڤێ نڤیسێ دە ئانینە زمان، ئەم پێشدە بچن و ئەنجامێن سەرکەتی بدەست بخن.
د ناڤا سلاڤ، هەزکرن و هەڤرێتیەکە بێ داوی دە بمینن.
19ێ هەزیرانا 2025ان
ئابدوڵاهـ ئۆجالان
