سەرۆکێ پارلەمەنتۆیا ترکیە نومان کورتولموش د جڤینا جڤاکا سڤیل یا ل ئافیۆنکاراھیسارێ دە ئاخڤی و دیار کر کو کۆمیسیۆنا کو ئەو سەرۆکاتیا وێ دکە ل سەر خوەسەریێ، ستاتویا فەرمی یا زمانێن جوودایێن خوەجھی، یان ژی سەربەستبەردانا عەبدوللاھ ئۆجالان، سەرۆکێ رێخستنا “تەرۆریست” یا پەکەکێ، کار ناکە. “ئازادکرنا سەرۆکێ رێخستنێ نە موومکینە.”
“ئەز گەلەک ڤەکری دبێژم کو، ئەڤ کۆمسیۆن نە کۆمسیۆنا گوھەرتنا دەستوورێ یە. ئەڤ کۆمیسیۆن نە پلاتفۆرمەک سیاسییە ژ بۆ نیقاشێن ل سەر گوھەرتنێن دەستوورێ بکە. تایبەتمەندیا بێھەمپایا ڤێ کۆمیسیۆنێ ئەڤە: ئەو نھا ژ سەدی 95ی دەنگێن گەل ل ترکیەیێ تەمسیل دکن. ھەموو پارتییێن سیاسی، و ھەتا ھەموو پارتییێن سیاسی یێن بێ فراکسیۆن، د ڤێ کۆمیسیۆنێ دە تێنە تەمسیلکرن.
“ئەم پێڤاژۆیەکێ دژین کو کەسێن خوەدی نێرینێن پر جودا ب ئەشکەرەیی نێرینێن خوە ل سەر بنگەھەک ھەڤپار تینن زمان. ژ ھۆلێ راکرنا تەرۆریزمێ و ئاڤاکرنا ئاڤاھیەک ناڤخوەیی یا بھێز ل ترکیەیێ. ئەز دوبارە دکم کو ل ڤر ب تەڤاھی نیقاشەک دەستووری تونە. ئەز گەلەک ب زەلالی دبێژم، داخوازەک بچووک ژی ژ بۆ خوەسەریێ، ھەرێمەک جودا، یان فەرمیکرنا زمانێن خوەجھی یێن جوودا تونە. ھەولدانەک پچووک ژی تونە کو سەرۆکێ رێخستنێ سەربەست وەرە بەردان. داخوازیەک ژی ب ڤی ئاوایی تونەیە.”
