عه‌بدوللا ئۆجالان په‌یامه‌كه دن ده‌ربارێ ئاشتیێ شاند و ته‌ڤی تێزێن خوه یێن هه‌رتم یێن گرێدای نه‌ته‌و و ژیانا ده‌مۆكراتیك و بهێزكرنا تركیه‌یێ، ت تشته‌ك ب ناڤێ كورد و كوردستان د په‌یاما وی ده تونه.
رێبەرێ زیندانكری یێ په‌كه‌كێ عه‌بدوللا ئۆجالان ب بۆنەیا1ێ ئیلۆنێ رۆژا ئاشتیێ یا جیهانێ پەیامەک شاند و گۆت، ئاشتی نە تەنێ بێدەنگبوونا چەکانە، ئاڤاکرنا ژیانەکە دەمۆکراتیکە.
رێبەرێ په‌كه‌كێ عه‌بدوللا ئۆجالان، ب مناسەبەتا 1ێ ئیلۆنێ پەیامەک شاند و گۆت: «ئاشتیا راستەقینه، دەما ئازادی، دەمۆکراسی و عەدالەتا جڤاکی د هەموو قادێن ژیانێ دە بکەڤە مەریەتێ، دکارە پێک وەرە».
پەیاما ئۆجالان د میتینگا 1ێ ئیلۆنێ رۆژا ئاشتیێ یا جیهانێ یا ستەنبۆلێ هات خوەندن.
پەیاما عه‌بدوللا ئۆجالان وهایە:
«ژ کەسێن کو ژ بۆ ئاشتی و دەمۆکراسیێ تێدکۆشن رە…
بانگا مە یا ژ بۆ ئاشتی و چارەسەریەکە دەمۆکراتیک،نە گاڤەکە سیاسی یا ژرێزێ یە؛ گاڤەکە ستراتەژیکە و قۆناغەکە دیرۆکی یە.
ب ڤێ بانگێ رە، هەم ل ترکیەیێ هەم ژی ل سەرانسەری رۆژهلاتا ناڤین، دەریێن سەردەمەکە نوو یا ژیانەکە دەمۆکراتیک یا ل سەر بنگەها ئاشتیێ هەتا داویێ هاتنە ڤەکرن کو دێ شوونا شەر و وێرانیان بگرە.
ئەڤ نە تەنێ داخوازەکە؛ راستیەکە شێنبەرە کو دڤێ ب دەرفەتێن خورت و گاڤێن پراتیکی یێن جدی وەرە ئاڤاکرن.
ژ بەر کو ئاشتیەکە راستەقین، نە تەنێ بێدەنگبوونا چەکان ئان ژی بداویبوونا پەڤچوونانە. ئاشتیا راستەقین، وێ دەمێ پێکانە کو ئازادی، دەمۆکراسی و عەدالەتا جڤاکی د هەموو قادێن ژیانێ دە ئاڤا ببە.
ڤەگوهەرینا جڤاکی ژ بۆ گەلێن مە نەتەنێ مافەکە؛ د هەمان دەمێ دە پەیورا سەرەکە یا سەردەما نوو یا ل پێشیا مەیە.
ئاشتی، دەمۆکراسی و نرخێن ئازادیێ دێ ب تێکۆشینا گەلێن مە رە تەقەز ماییندە ببن و د ناڤا ژیانا جڤاکی دە جهێ خوە بگرن.
ئەڤ وەلات ئێدی دێ ببە وەلاتێ وان کەسان یێن کو ئاشتی و ژیانا دەمۆکراتیک هەم وەکی مافێ خوە هەم ژی وەکە پەیورا خوە دبینن.
ب وەسیلەیا 1ێ ئیلۆنێ ئەز بانگی گەلێن مە دکم کو خوەدی ل ڤێ پەیورا دیرۆکی دەرکەڤن و مەشا ئاشتی و ئازادیێ هین بێهتر مەزن بکن.
ئەز د وێ باوەریێ دە مە کو هەموو کەس دێ جدیەتا ڤێ سەردەمێ فێم بکن، خوە ژ بەر چاڤان دەرباس بکن و ل گۆری روحێ ئاشتیێ تەڤبگەرن.
ب ڤێ باوەریێ، ئەز وە هەموویان ب هەزکرن و رێزێن خوە یێن بێداوی سلاڤ دکم».
