په‌كه‌كێ 3 فه‌رماندارێن خوه د ده‌ما پێڤاژۆیا ئاشتیێ ده تاسفیه كرنه
رێخستنا په‌كه‌كێ ئیرۆ راگهاند كو فه‌رماندارا پژاكێ یا ب كۆدناڤێ «بێریتان ئامه‌د» ژیانا خوه ژ ده‌ست دایه، بێریتان فه‌رماندارا سێیه‌مینه كو مرنا وێ ب ئاوایه‌كی ب گۆمان د ڤێ مه‌هێ ده تێ ئیفشا كرن.
پژاكێ باسكێ په‌كه‌كێ یێ رۆژهلاتا كوردستانێ، ئیرۆ رۆژا چارشه‌می 3 ئیلۆنا 2025ێ راگهاند، فه‌رماندارا وان یا ب ناڤێ «سه‌مرا سینان» و ب ناڤێ كۆد «بێریتان ئامه‌د» ب سه‌ده‌ما نه‌خوه‌شیێ و پاش پێڤاژۆیه‌كه درێژ یا ته‌داویكرنێ، ژیانا خوه ژ ده‌ست دا.
ده‌ستنیشان كر، بێریتان ئامه‌د ل 27 ته‌باخا ئیسال 2025ێ كۆچا داوی كری یه.
رێخستنا په‌كه‌كێ ژ 21ێ ته‌باخێ ڤه مرنا دو فه‌رماندارێن خوه یێن دن ژی ب ڤی ره‌نگێ مژه‌وی ئیلان كرنه كو هه‌ر یێك ژ «سه‌رحه‌د ڤارتۆ» و «بولووت نوورعه‌لی» نه.
په‌كه‌كێ ل 21 ته‌باخێ راگهاند كو «سه‌رحه‌د ڤارتۆ» ب نه‌خوه‌شیێ ژیانا خوه ژ ده‌ست دا یه، هه‌روه‌ها ل 27 ته‌باخێ ژی گۆت: فه‌رماندارێ مه «بولووت نوورعه‌لی» د قه‌زایه‌كێ ده مریه.
راگهاندنا مرنا ب گۆمان یا ڤان كادرۆیێن په‌كه‌كێ هه‌ژماره‌كه پرسان ل په‌ی خوه دهێله وه‌كه كو گه‌لۆ ئه‌ڤ هه‌رسێ فه‌رماندار هاتنه تاسفیه كرن یان ب ئاوایه‌كی دن د ژیانێ ده نه‌مانه؟
