هاتیە ئیدیعاکرن کو عه‌بدوللا ئۆجالان، سەرۆکێ په‌كه‌كه یا هلوەشاندی، ژ بەر گۆتنا وان یا «ئەم ناهێلن تو ببی سەرۆک» دەمیرتاش و سڕی سورەیا ئۆندەر، سووچدار کرنە. د ئیدیعایا کو ژ هێلا نڤیسکارێ رۆژنامەیا «Sozcu» ئایتونچ ئەرکین ڤە هاتیە ئیمزا کرن دا، هەروه‌ها هاتیه کو ئۆجالان، د هەڤدیتنەکێ دا ل گه‌ا شاندەیا ئیمرالیێ یا پارتیا دەمێ گۆتیە: «سه‌لاحه‌ددین د سەردەما خوە دا گۆت، ئەم ناهێلن هوون ببن سەرۆک. ئەڤه نە درست بوو… مژارا ئەم ناهێلن هوون ببن سەرۆک سووچێن سه‌لاحه‌ددین و سڕی، بوون».
درووشما «ئەم ناهێلن هوون ببن سەرۆک» و شەرێ خەندەکان
مە گەلەک جاران نڤیساندیە کا چاوا د سالا 2015ێ دا، دەما کو دەمیرتاش د گوهێ سڕی سورەیا ئۆندەر دا گۆتی، درووشما «ئەم ناهێلن هوون ببن سەرۆک» هاتیە قێرین. مە گۆتیە کو ئەڤه پیلانه‌كه ل دژی کوردان. لێ هەم ئەم و هەم ژی هەر کەسێ کو دگۆت ئەڤ درووشمە خەلەتە، ژ ئالیێ چەپگرێن ترک ڤە، ب تایبەتی ژی په‌كه‌كێ، د هاتن ره‌خنه كرن.
ئەرێ، ب راستی، ئەو درووشمە خەلەت بوو، ئەڤ پێڤاژۆیا دانانا کوردان ل دژی ئەردۆگان و پاشی بوویه سەدەما تفاقا باهچەلی و ئەردۆگان، وێرانیەکا مەزن ئینا سەرێ کوردان. کۆلاندنا خەندەکان ب پارالێل ل گه‌ل ڤێ درووشمەیێ ژ ئەنجاما هەڤکاریا وان ئالییانه یێن کو دگۆتن «ئەم دێ نەهێلن هوون ببن سەرۆک» ل گه‌ل په‌كه‌كێ بوو.
یانی، پرسگرێک نەتنێ ئەڤ درووشمە بوو؛ ئەو ئێخستنا کوردان یا ب زانه‌بوون بوو د ناڤ گوهەرتنەکا بەرەیێ تێکۆشینێ دا و خەرجکرنا ئەنەرژییا کوردان د 10 سالێن د ناڤبەرا 2015 و 2025ان دا بوو. د ڤی دەمی دا، کورد هاتن تێگەهاندن کو سیسته‌ما ب ناڤێ فاشیزما مه‌هه‌په-ئاكه‌په هلوەشینن. د ئەنجامێ دا، 12 باژارێن باکورێ کوردستانێ هاتن وێرانکرن، ب ملیۆنان مرۆڤ کۆچبەر بوون و نێزیکی 3 هەزار جوانێن کورد دخەندەکان دا ژیانا خوە ژ دەست دان.
كێشانا کوردان د ناڤ شەرەکی دا کو ناڤەندا وێ رژێما ئەردۆگان بوو و کۆلاندنا خەندەکان نەخەلەتیەکا ته‌کتیکی بوو؛ ئەو پلانەکا تاری و ب زانەبوون بوو. عه‌بدوللا ئۆجالان و په‌كه‌كه بەرپرسیارێن ڤێ پێڤاژۆیێ نە
دەمیرتاش رۆلێ «کەرێ چوویه ناڤا زەڤییا مینان» گێرایه
د سەردەما کو دەمرتاش راگهاندی، «ئەم دێ تە نەکن سەرۆک»، دانوستاندنێن ل عه‌بدوللا ئۆجالان رۆژانە بەردەوام دکرن. وی دەمی، ئۆجالان ب خوە دیار دکر کا دێ «کی د ناڤ په‌كه‌كێ دا بیته هەڤسەرۆکێ كه‌جه‌كێ، کی دێ د رێڤەبەرییا رۆژئاڤا دا بیت، کی دێ بیته شارەدارێ دیاربەکرێ و کی دێ ژ کو دەرێ بیته به‌ربژارێ په‌رله‌مانی».
وی د نۆتێن خوە یێن هەڤدیتنێن حه‌فتیانه دا ته‌علیمات چەپ و راست ددان. لێبەلێ، ئۆجالان نەگۆت، نە بێژنێ ئەمێ تە نەکن سەرۆک و مایتێكرنێ د شەرێ خەندەکان دا نەکن. د بن فەرمان و پلانێن وی دا ئەو پێڤاژۆ هاتە دەستپێکرن.
سەرۆکاتیا په‌كه‌كێ یا وێ دەمی وەکی «بایک، قاراسو، کالکان، هۆزات، و قارایلان» ژی پشتگری دان ڤێ درووشمەیێ و وان ب خوە کارەساتا خەندەکان ئۆرگانیزە کرن. وان پرسگرێکا کورد بۆ ئاراسته‌یا «رووخاندنا دەستهلاتا ئەردۆگان» گوهارت.
نها، دەم هاتیه گوهۆرین و دڤێت کەسەک ژ بەر وێ خوینرێژتنێ ب بەرپرسیار بهێته دیتن و ببیته بەرخێ قوربانێ و ئەو ژی پەیدا بوو: سه‌لاحه‌ددین دەمرتاش.
ئارمانجا مە نەپاراستنا سه‌لاحه‌دین دەمیرتاشە. ژ بلی ڤێ، وی ژی ئەڤ چەرخا خەلەت زڤراند و نوکە د گرتیگەهێ دا یە. ئۆجالان، حکوومەت و په‌كه‌كه هەمی ژ بەر کو ئەو د گرتیگەهێ دا یە گه‌له‌ك که‌یفخوەشن. و ئۆجالان دێ د داویێ دا بریار ده‌ت کا ئەو دێ هێته بەردان یان نه.
ب راستی، دەمیرتاش رۆلێ «کەرێ چوویه ناڤا زەڤییا مینان» گێرایه. برایێن ئەرگەنەکۆنی یێن سڕی سورەیا ئۆندەر، سەرمایەدارێن ترکیەیێ یێن کو ژ ئەردۆگان نەرەحەتن و پۆپۆلیزما مەدیایێ به‌رێ وی دان ڤێ رێكێ. بێ گومان، ب پشتگریا ئۆجالان و په‌كه‌كێ ئەڤ پێڤاژۆ هات مه‌شاندن.
میتۆلۆژیا «خودێنییا بێی کێماسی» یا ئۆجالان
په‌یوەندیێن ئالیێن تاری یێن هەڤدیتنێن د ناڤبەرا ئۆجالان، په‌كه‌كه و دەولەتێ دا مژارەکا درێژە. گەلەک ئالیێن وێ هەنە. بێ گومان، ئەو ب رەوشا هشا ئۆجالان ب خوە ڤە ژی گرێدای یە، کو میسیۆنەکا «خوداوەندی» ددەته خوە.
ئۆجالان مەگالۆمانەکە
ژ بلی پرسێن وەکی گەلۆ ئیدیعایا ئۆجالان یا کو دەمیرتاش ل دژی ئەردۆگانە راستە ئان ژی رۆژنامەڤان ئایتونچ ئەرکین چاوا ئەڤ ئاگاهی ب دەست ئێخستنە، هەر کەسێ کو شێوازا سیاسی و رەوشا هشێ یا ئۆجالان ناس دکەت، دزانیت کو ئیحتیمالەکا پر مەزن هه‌یه كو گۆتنێن ئۆجالان د راست بن. ژ بەر کو عه‌بدوللا ئۆجالان قەت ژ تشتەکی بەرپرسیار نینە. ئەو هەر گاڤ راستیێ دبێژیت و قەت شاشی نەکرینە، لێ دیسا ژی کەس د وی ناگه‌هیت. یانی، ئەڤه 50 سالن، یەک کەس ژی د ئۆجالان ناگه‌هیت.
ئۆجالان کەسەکه ل شامێ د ڤلایان دا دژیا، وی دگۆته وان گەریلایێن كو ل وەلاتی ژیانا خوە ژ دەست ددان: «ئەو ژ بۆ پارییەکی نانی دمرن» ژ بۆ من خسار بکن مرن.
ئۆجالان «بێکێماهی» یە…!؟ ئۆجالان هەبوونەکا خوەدایی یە…!؟ ب راستی، ئۆجالان پراگماتیست و مەگالۆمانە کو دێ هەر کەسه‌كی، هەر تشته‌كی، هەموو باوەری و رێخستنا خوه ژ بۆ خوە فرۆشیت.
کەسەک نەمایە کو ئۆجالان ئەو وەکی «خایین، ئاژانەک ئۆبژەکتیف، ئاژانەک سوبژەکتیف» ب ناڤ نه‌كری.
ئەڤە راستیا ئۆجالانه. زێده‌باری ڤێ یەکێ، دڤێت هەر کەسێ کو ل کێلەکا ئۆجالان دمەشیت دەما کو ژ هێلا ئۆجالان ڤە دهێته شەرمەزار کرن و تاوانبار کرن، دڤێت بەرسڤەکا وان بۆ وی هه‌بیت و رەحمێ پێ نەبن.
