ل رۆژئاڤایێ کوردستانێ چ رێیەک ل پێشیا پەکەکێ نامایە، ب بانگا ئۆجالان ژی ئەو دێ د داویێ دە خوە رادەستی دەستھلاتا سووریێ بکن. لێ وەک ھەر جارێ دێ ل گۆرا خوە ب دەرەوا گۆتارەکی ژ ڤێ یەکێ رە ببینن.
مەدیا پەکەکێ و دووڤێن وێ یێن ل رۆژئاڤا ئیدیعا کرن کو حکوومەتا ھەرێما کوردستانێ دەست ب ئاڤاکرنا دیوارەکی بەتۆنی ل سەر سینۆرێ باشوورێ کوردستانێ و رۆژئاڤا کریە. مەدیایا پەکەکێ راگھاند کو حکوومەتا ھەرێما کوردستانێ دەست ب ئاڤاکرنا دیوارەکی بەتۆنی یێ 3 مەتران بلند و 75 سەنتیمەتران ستوور ل سەر سینۆرێ رۆژئاڤا کریە. راپۆرتان ب ئەشکەرەیی پەدەکە ئارمانج گرتن و ئیدیعا کرن کو ئەو ژ بۆ “پشتگریا گەفێن ئەحمەد شارع” تێ چێکرن.
لێبەلێ، ئەڤ راپۆرت زوو دەرکەت ھۆلێ کو نەراستە. دیوار ژ سالا 2022یێ ڤر ڤە ب ئاگاھداریا پەکەکێ و ھێزێن وێ یێن ھەرێمی ھاتیە چێکرن.
راپۆرتا مەدیایا پەکەکێ ھەر وھا دیار کر کو “دەریێ سینۆری یێ سێمالکا ژ ئالیێ پەدەکێ ڤە ھاتیە گرتن.” لێبەلێ، دەریێ کو وەکی دەریێ سێمالکا-پێشخابوور تێ زانین، ژ بۆ سڤیلان و ئالیکاریان ڤەکرییە.”
فەرمانداریا پاسڤانێن سینۆرێن ئیراقێ راگھاند کو ئۆپەراسیۆن ب تەڤاھی د بن چاڤدێریا حکوومەتا ئیراقێ دە ھاتیە کرن. فەرمانداریێ دیار کر کو پلان ھەموو خەتێن سینۆر، تەڤی سێگۆشەیا ئیراق-ترکیە-سووریێ ژی، دگرە ناڤ خوە.
داخویانیا بەردەڤکێ فەرمانداریا زێرەڤانێن سینۆرێن ئیراقێ کەرھی نووچەیا مەدیایا پەکەکێ رەد کر. لێ راستیەکا دن ژی ل پشت دیواران ھەبوو. پەکەکە و رێڤەبەریا رۆژئاڤا ل سەر بەشا شنگالێ یا دیواری لگەل حکوومەتا ئیراقێ رێکەفتبوون و بێدەنگ مابوون. نھا، دەما کو ئەو ژ سینۆرێ ھەرێما کوردستانێ دەرباس دبە، ئەو خوە وەکی کو ژ بوویەرێ ھایدار نینن نیشان ددن.
ھەتا ل دەڤەرا تەلەعفەرێ دەما دیوار دھاتە چێکرن، پەکەکێ پاساوانیا کارکەرێن کو دیوار چێدکر گرتبوو سەر خوە.
ئەڤ تێ زانین لێ مخابن ھێژان ھندەک ژ بۆ پەکەکێ و سیاسەتا وێ یا قرێژ نەبینن ل بەرخوە ددن. پەکەکێ رە چ پێوەندی ھەبن یان ژی ژ بۆ بەرژەوەندیێن نەتەوی پێوەندیەک پێوستبە بێ کرن ژی گەرەک گەلەکی ب زانەبوون بە. لێ ئەگەر پەکەکە نەیێ ناسکرن و سیاسەتا وان یا قرێژ نەیێ زانین، دێ مرۆڤ د دەستێ پەکەکێ دە ببە لەییستک. بلا ب ناسکرنا پەکەکێ رە پێوەند ھەبن. ئەگەر مرۆڤ قرێژاھیا وان تێبگهە، راستیا وان بزانبە ممکنە ئەو نکاربن چ زەرەرێ بدن. وەک دن خەتەرە..
