گهلۆ یهنهكه ل پشت بوویهرا گوندێ لاجانێ بوو؟
ژ 29ێ مژدارێ ڤە، هن کۆم هەول ددن کو ل گوندێ لاجانێ یێ ناڤچەیا گوێرێ یا هەولێرێ ئالۆزیێ چێبکن. سەرۆک و مەزنێن عەشیرا هەرکی داخویانیەک دان چاپەمەنیێ، بوویهر باس كرن و گۆتن، “ئەمێ نەبن هەڤکارێ ئالۆزییان، هن ئالی ههول ددن ئالۆزیێ گور بكن.”
ل لاجانێ چ قەومی؟
کۆمەک ژ ئەندامێن عەشیرا هەرکی ڤێ داویێ ل نێزی سازییا پەترۆلێ یا لانازێ یا نێزیکی گوندێ لاجانێ کۆم بوون و نەرازیبوون نیشان دان، “سازییا لاناز د ئاخا مە دەیە، لێ ئەو کارکەران ناگرن.” د دەستپێکێ دە، خوەپێشاندان ب ئاوایەکی نۆرمال بەردەوام کر، لێ چەند دەمژمێران پشتره، کۆمەکە چەکداران ژ دەرڤە هەول دان کو ب گوللـەبارانکرنا ل سەر کارکەر و ئاڤاهیێن سازییا لاناز خوەپێشاندانێ ب ئاراستهیهكێ دن دا ببهن.
نشتەجهێن گوندێ لاجانێ دیتن کو خوهپێشاندانێن وان تێن ئاراسته كرن، ئهو ژ مهیدانا خوەپێشاندانێ ڤەکشیان و د ناڤبەرا کۆما تێكدهر و ئەولەهیا سازییا لاناز دە پەڤچوونەک دەرکەت.
بوویەر، کو تام د دەما کو سەرۆک بارزانی بەشداری 4مین سەمپۆزیووما ناڤنەتەوەیی یا مەلەیێ جزیری ل جیزرەیێ بوو، ژ هێلا یهنهكێ و مەدیایا ترکی ڤە ب زانەبوون هاتە تهحریفکرن. بوویەر ب سەرناڤێن وەکی “ب دەهان کەس هاتن کوشتن، خوەپێشاندانەکە مەزن، هەرکی ل دژی پهدهكێ سەری هلدان” د مەدیایێ دە هاتە راگهاندن.
ئیرۆ، كهنالا 8 یا گرێدایی یهنهكێ راگهاند کو هێزێن ئاساییش و پێشمەرگە ئێریشی خهلكی کرن، گوندێ لاجان هاتە ڤالاکرن و نیشتەجیهـ ژ مالێن خوە هاتن دەرخستن.
خالەکە دن یا بالکێش ئەو بوو کو خۆرتێ کو د بوویەران دە هاتییە کوشتن نە نیشتەجیهێ گوندێ لاجانێ بوو، لێ ژ کەرکوکێ هاتبوو جهێ بوویەرێ. سەدەما کو کەسەک ژ کەرکوکێ هاتیە وی گوندی، ئاخفتنا گوندیان پشتراست كر كو “کۆمێن چەکدار ژ دەرڤە هاتنە.”
داخویانیا چاپەمەنیێ یا عهشیرا هەرکی: دەستەکی دەرڤە بوویەر ئۆرگانیزە کر
ژ بەر کو خوەپێشاندانەکە سادە هاتە ئاراسته كرن، سەرۆکێن عەشیرا هەرکی داخویانیەک وەشاندن و ئالیێن تێكدهر شەرمەزار کرن و گۆتن، “حکوومەت تشتێ راست دکە.”
داخویانیا سەرۆکێن عەشیرا هەرکی وهایە: ئەم ژ بەر بوویەران پر خەمگینن. مه پڕ شههید دا نه، نە ب پهدهكێ و نه ژی ب حکوومەتێ رە پرسگرێکەک مە تونە. پرسگرێکا مە ب رێڤەبەرییا سازیێ رەیە. کاربدەستێن سازیێ داخوازەک کرن. کۆمەک ژ جوانان دچن. لێبەلێ، کەسەک ژ پارتیەک دن، کو ئەمێ ناڤێ وی ل ڤر نەبێژن، کۆمەکێ ئۆرگانیزە دکە و خوەپێشاندانێ ئاراسته و ئالۆز دکە.
ئەڤ کەس ل ئەورۆپایێ دژی. ب گۆتنەکە دن، ئەو دخوەستن گوندێ لاجان ژ بۆ ئارمانجێن خوە یێن سیاسی و قەزەنجێ بکار بینن. کەسێن کو چەکان بکار تینن نە ژ ڤی گوندینە؛ ئەو ژ دەرڤە هاتنە ئانین. ئەم ڤێ رەوشێ قەبوول ناکن. وەکی دن، نووچەیێن مەدیایێ یێن کو دبێژن گوندێ لاجان تێ ڤالاکرن دەرەون. خەلک ل گوندن. هن مالبات ژ بەر پەڤچوونێ ترسیان و رەڤیان. ب راستی کەسی ئەو نەرەڤاندنە. پێشمەرگەیێن کو ل ڤرن ژ بۆ پاراستنا مە ل ورن.
وەکی دن، نووچەیا کو 30 کەس ژ گوند هاتنە رەڤاندن ژی دەرەوە. مە، سەرۆکێن گوند و پێنج مالباتێن کو چەک بکار ئانینە، مە ئەو ب خوە برن و رادەستی هێزێن ئەولەهیێ کرن. ژ بەر کو ئەو خەلەت بوون. ئەم باوەریا خوە ب سەروەریا یاسایێ و عەدالەتێ تینن.
ئەم خەلکێ ڤی گوندینە. ت پرسگرێکێن مە ب پهدهكێ، حکوومەت یان ژی سیستهما گشتی رە تونەنە. دڤێ ئەو دەستێن خوەیێن قرێژ ژ گوندێ مە راکن.»
کی ل پشت بوویەرانە؟
عەشیرا هەرکی و خەلکێ دەردۆرێ باوەر دکن کو یهنهكه ل پشت بوویەرانە. گەلەک سیاسەتمەداران ل سەر مەدیایا جڤاکی دیار کرنە کو یهنهكه، پشتی تێکچوونا خوە یا د هلبژارتنێ دە، هەر تشتی دکە دا کو خەلکێ ل هەولێر و دهۆکێ ئیستفزاز بکە، و وسا ددە خویاکرن کو رایا گشتی و هێزێن ئەولەهیێ ل هەڤ دکەڤن.
چالاکڤانێ سیاسی نزار هەرکی ل سەر ڤێ مژارێ وها شیرۆڤە کر: “یهنهكه دخوازە هەرکییان پارچە بکە و چاندا پەڤچوونێ ل سلێمانیێ وەکی کو ل ڤر هەیە نیشان بدە. جوانێن مە دێ ژ ڤێ یەکێ نەترسن.”
تێ زانین کو یهنهكه، پشتی تێکچوونا خوە د هلبژارتنێن 11ێ مژدارێ دە، دخوازە ئیستفزازێ بکە و رایا گشتی تەشویق بکە. ئێریشا ل سەر سازییا لانازێ تەنێ پشتی کو زەڤیا گازێ یا کۆر مۆر لێ کەت و ئەلەکتریک قوت بوو ل کوردستانێ پێک هات. سازی د دەمەکێ دە کو هەری زێدە پێویستی پێ بوو هاتە ئاستەنگکرن.
