دانوستاندنێن د ناڤبەرا شام و ھەسەدێ دە، ژ نوو ڤە دەست پێ کرن
دانووستاندنێن د ناڤبەرا شام و ھەسەدێ دە، ب چاڤدەریا ئامەریکایێ، ژ نوو ڤە دەست پێ کرن. ژ بەر کو پەیمانا 10ێ ئادارێ د داویا سالێ دە دقەدە، ھوورگولیێن بەندێن ئەنتەگراسیۆنێ یێن کو ژ ھێلا رێڤەبەریا شامێ ڤە ژ ھەسەدێ رە ھاتنە پێشکێش کرن دەست پێ دکن کو دەرکەڤن ھۆلێ.
پرۆژەیا ئەنتەگراسیۆنێ بەندێن وەکی: “ئەنتەگراسیۆنا ھەسەدێ د ناڤ ئارتێشا سووریەیێ دە ب شکلێ سێ فرقەیان، تەڤلیکرنا ئاساییش و یەپەژێ (ئارتێشا ژنان) د بن وەزارەتا کارێن ھوندر دە، مافێن ھەموەلاتیبوونێ یێن تەڤاھی ژ بۆ کوردان، وەکھەڤیا قانوونی، دایینا ستاتویا زمانێ نەتەوەیی ژ بۆ کوردی، و ڤەگەرا نفووسێن کۆچبەران” ڤەدحەوینە.
چارلس لستەر، رێڤەبرێ بەرنامەیا سووریەیێ ل ئەنستیتویا رۆژھلاتا ناڤین یا ل واشنگتۆنێ، خالێن پەیمانێ ل سەر مێزەی نڤیساند. ئاگاھیێن ژێرین یێن دەربارێ جڤینان و خالێن پێشنیارکری ژ بۆ ھەسەدێ ژ ئالیێ لستەر ڤە ھاتن پارڤەکرن، کو ڤێ داویێ کۆنفەرانسا کو فەرماندارێ سێنتکۆمێ براد کۆپەر ئاخڤی و سەرۆکێ دەمکی یێ سووریەیێ ئەحمەد شارع د دەما سەردانا خوەیا ئامەریکایێ دە ل پانەلەکێ مێڤان کر، ل دار خست:
“ھوورگولیێن پەیمانا پێشنیارکری هێژ نەھاتنە ئەشکەرەکرن. لێبەلێ، ل گۆری چاڤکانیێن نێزیکی دانوستاندنان، پاکێت خالێن ژێرین دحەوینە:
-ئەنتەگراسیۆنا سێ فرقەیان ئارتێشێ
-تەڤلیکرنا ئاساییش و یەپەژێ (ئارتێشا ژنان یا ھەسەدێ) د ناڤ وەزارەتا کارێن ھوندر دە
-وەکھەڤیا ھەموەلاتیبوونێ یا تەڤاھی و مافێن سڤیل ژ بۆ کوردان
-بدەستخستنا ستاتویا زمانێ نەتەوەیی ژ بۆ کوردی
-ڤەگەرا کەسێن کۆچبەر
-رێڤەبرنا ڤەبەرھێنانا راستەراستا بیانی و داھاتێن گشتی ل گۆری نفووسێ بەر ب ھەرێمێن کوردی ڤە
-نوونەراتیا کوردان د وەزارەت و مەقامێن دەولەتێ یێن ئاستا بلند دە، د ناڤ دە پاراستن و کارێن ھوندر”
“ل سەر ئەردێ پێشکەتن تونە، پلانا بی ل سەر مێزەیێ یە”
نرخاندنێن دەربارێ پێڤاژۆیێ دە ژ ئالیێ لستەر ڤە ھاتن کرن. ئانالیست چارلس لستەر دیار کر کو تەڤی چەند مەھان ژ دانوستاندنێن ب ناڤبەینکاریا ئامەریکایێ و جڤینێن کۆمێن خەباتێ یێن گرتی ل شامێ، ھەسەدێ ل سەر ئەردێ چ گاڤێن بەربچاڤ نەهاڤێتنە. ل گۆری لستەر، ڤێ بێچالاکتیێ ھێدی ھێدی تەنگەزاری ل سەر ئەردێ زێدە کریە و ڤەبژارکا “پلانا بی” دیسا ئانیە پێش.
لستەر تەکەز کر کو ھەفتەیێن پێش دە ژ بۆ دەستنیشانکرنا پابەندبوونا ھەسەدێ یا ژ بۆ ئەنتەگراسیۆنێ دێ ب راستی وەرە بجیھانین یان نا گرینگن. ل گۆری شرۆڤەکاران، تەڤی پێشنیارێن دابەش یێن لەشکەری، مافێن تەڤاھی یێن کوردان، پۆستێن وەزیران و پۆستێن فەرمانداریێ د وەزارەتێن پاراستن و کارێن ھوندر دە، ھین ژی چ پێشڤەچوون چێنەبوویە.
