Skip to content
خەونا من و رەوشا پەکەکێ
بووبێ ئەسەر
من خەونەک دیت کو خۆجێ خزر ھاتە با من و گۆت: بووبێیێ ھێژا! تو و گەلەکێن وەکە تە خوە دئێشینن، ریسک دگرن و ل سەر پەکەکێ بێ وەستان دنڤیسینن. لێ پەکەکە چ جاران ژ بۆنا کورد و کوردستانێ خوە نائێشینە، ژ بەر کو ئەو ژ بۆنا ھەمی ھێژاییێن کوردان و کوردستانیان تێک ببە ھاتیە دامەزراندن. ژ بەر کو پەکەکە رێخستنەکا داگیر-کەرانە. من خوەست راستیا ڤێ ژ تە رە بێژم کو تو ژی د ناڤا گەل دە بەلاڤ بکەی.
من مەراق کر و گۆت: فەرمۆ تە گوھداری دکم. گەلۆ ئەزێ ژ خەلکێ رە چ بێژم؟
-بەری ھەر تشتی دڤێت کورد ڤێ یەکێ باش فێر و ئیقناع ببن کو پەکەکێ چ جاران نەخوەستیە و ناخوازە ژ بۆنا کوردان کار و خەباتێ بکە. ھەمی کار و خەباتێن وێ ژ بۆنا خورتکرنا کۆمارا ترکیێ و پاراستنا سینۆرێن داگیر-کەرانە.
-تو دکاری ڤێ پیچەکێ ڤەکەی کو ئەڤ زێدەیێ 30 سالانە شەرێ چەکداری ژ بۆنا چ کرن؟ ما نە دگۆتن ئەم دێ ھەر چار پەرچێن کوردستانێ خلاس بکن؟
-بەلێ، لێ خەلاسکرنا کو وان ب ناڤ دکر نە ئازادیا کوردان و کوردستانێ بوو. واتە خوەستن بێژن ئەم دێ کوردان تونە بکن. خەلاس بکن. نە کو ئازاد بکن. لێ کوردان ئەڤ فێم نەکرن. لەورا ئەو شەرێ وان ژ بۆنا ھلوەشاندن و خەرابکرنا کوردستانێ بوو. گوھەراندنا جۆگرافیا کوردستانێ بوو. ھەگەر ئەو شەر نەھاتبا کرن، وێ ئەوقاسی کوردێن وەلاتپارێز نەھاتبانا کوشتن. وێ کوردستان ئەوقاسی نەھاتبا ڤالاکرن. ملەتێ کورد وێ ئەوقاسی ب کوچە و کۆلانێن باژارێن ترکان نەکەتبانا.
– ھممم، باشە. خوجەیێ خزر. لێ دەما مرۆڤ ڤێ ژ خەلکێ رە دبێژە باوەر ناکن و ئێریشێن کەسێن کو ڤێ رەوشێ دبێژن و دنڤیسنین دکن. گەلۆ ھوون رەوشا ڤێ پێڤاژۆیا ئاشتیا کو دەستپێکریە، دکارن چاوا بێژن ئانگۆ چاوا دبینن؟
– ملەتێ نەزان ئاقلێ وی د چاڤێن وی دەیە. ب چاڤێن خوە چ دبینە ژ وێ باوەر دکە. واتە ئاقل کار ناکە. پێڤاژۆیا کو (دکەنە) ژ ئالیێ باخچەلی دەستپێکریە تونەبوونا گەلێ کوردە. ژ بەر کو خوینا عەڤدللایێ سەرۆکێ پەکەکێ و باخچەلیێ سەرۆکێ مەھەپێ ژ دیرۆکەک درێژ ب مە ددە زانین کو ئەو ژ یەک خوینێ تێن. یا راستی کورد ڤێ نزانن کو پەکەکە ژ تەرەف باخچەلی، عەڤدللا و ب پشتگریا دەولەتا کوور ھاتبوو دامەزراندن و تێ ب رێڤەبرن. چەک و ئابۆریا پەکەکێ دەولەتێ ددا. ئەڤ چیرۆک دوور و درێژە.
– باشە گەلۆ ئەڤ پێڤاژۆیا کو دبێژن، پێڤاژۆیا ئاشتیێ یە. تو وێ چاوا شرۆڤە دکی؟ واتە ل گۆر تە چ گرینگیا ڤێ ھەیە؟
– گرینگیا وێ ژ بۆنا خورتکرنا ترکیەک ب ھێز و مەزن ھێژایە. دڤێت بێ زانین کو یێن دژمنێ کوردان چ جاران ناخوازن کورد ببن خوەدی ماف. لۆما دڤێت کورد بزانبن کو ئەڤ پرۆژە د ئەسلێ خوە دە تونەبوونا کوردان و خورتکرنا ترکیی یە. وەکە من بەرێ ژی گۆتبوو کو عەڤدللا و باخچەلێ د وارێ خوینێ دە دگهیژن ھەڤ. یا دن پەرڤین بولدان ب ئەسلێ خوە عەرەبە. ژنا سەرۆککۆمارێ ترکیێ ژی عەرەبە. خوینا ڤان ھەردویان ژی یەکە. و خوینا وان نەیا کوردانە. ژ بەر ڤێ یێن نە کوردن، ل سەر مافێ کوردان بریار ددن. ما گەلۆ دێ ژ کوردان رە چ فێدەیێ وێ ھەبە؟ واتە گۆتنا من یا تالی ئەڤە کو یێن نە کوردن چ جاران ناخوازن کێشەیا کوردان بهێت چارەسەر کرن. ھێڤیدارم، ھاتبە فێمکرن کو کی پێشکێشیا ڤێ دکە. دڤێت کورد ل سەر ڤێ بفکرن کو ئەڤ پێڤاژۆیا ل سەر ناڤێ ئاشتیێ دەستپێکریە، د ئەسلێ خوە دە تونەبوونا کوردانە.
– سپاس مالا تە ئاڤا بت خۆجەیێ خزرێ ھێژا. باشە، پەکەکێ چەک دانی. گەلۆ وێ رەوشا رێڤەبر و گەریلایێن وێ چاوا بە؟ خۆجە ھلمەکە کوور کشاند ناڤا دلێ خوە و گۆت:
– ل گۆر قەناعەت و باوەریا من، دێ پرانیا گەریلایان ڤەگەرن مالا خوە ئانگۆ ترکیێ. دێ ببن پارێزگەرێ کۆمارا ترکیێ. وەکە پۆلیس، لەشکەر و ھتد. ژ ئاڤاکرنا پەکەکەیا ل سەر دەستێ عەڤدللا و باخچەلی کو مرۆڤێن ھەڤدو یێن خوینێ نە، ئەڤ بوو. داویا ڤی فلمێ درێژ دێ وەھا بقەدە….
– باشە گەلۆ دێ سەرکردەیێن پکک چ بکن؟ چارەسەریا وان دێ چاوا بە؟
– ژ خوە ھەمی زلامێن دەولەتێنە. دێ وان ژی ببن ئیمرالیێ. ژ بۆنا وان ژی قەسر و قۆناخ چێ بکن. دبە کو چێکربن ژی. ل ور وێ ژیانەکا خوەش و بێ ترس بژین. ھەمی دێ ل گەل ھەڤ پرۆژەیێن تونەکرنا کوردان ب رێیێن “دەمۆکراتیک” ئامادە بکن. دێ دەم ئان پارتیەک دن یا دەولەتێ کو دێ عەڤدللا دامەزرینە، بدە کرن کو کوردان د وارێ دەمۆکراتیک دە بکن ترکێ باش.
– سپاسیا جەنابێ تە دکم یا خۆجەیێ ھێژا. ھەگەر کورد فێم بکن تە تشتێن باش گۆتن. گۆتنا تەیا تالی ژ بۆنا کوردان دێ چ بە؟
-دڤێت کورد یەکتیا خوە ئاڤا بکن. ب کوچە و کۆلانێن وەلات بکەڤن ڤێ رەوشێ ب زەلالی بێژن. ب رێیا دەمۆکراسیەکە ھەڤبەش ب ھێز و قاوەتەکە گشتی و نە وەکە دەمۆکراسیا عەڤدۆ پێک بینن و ڤێ ژ ئەورۆپیان رە ڤەبێژن. دێ وەخت بگرە لێ دێ رۆژ بهێت یا راست ب سەربکەڤە.
