ئیستخباراتا تركیهیێ ئامادهكاریێن ڤهگهرا گهریلایان دهست پێ كرنه
ئەندامێن رێخستنا پهكهكێ یێن کو دخوازن ڤهگهرن تركیهیێ، دێ ب رێیا میکانیزما پشتراستکرنێ یا کو ژ هێلا دهزگههێن ئەولەھیێ ڤە هاتنه ئامادهكرن، دێ وەرن فیلتهرکرن، ئیستخباراتا تركیهیێ ئامادهكاریێن تهكنیكی دهست پێ كرنه.
پێڤاژۆیا ئاشتیێ یا كو ئهنقهره ب تركیهیا بێ تەرۆر ب ناڤ دكه، ژ بەر نەبوونا پێشکەتنێن بەرچاڤ ژ هێلا تركیهیێ و پهكهكێ ڤه دهمهك درێژه درهنگ كهتییه، لێ ل گۆری ئهنقهرهیێ تێ پێشبینیکردن کو د رۆژێن پێش دە دیسا بلەز بكهڤه.
ل گۆری مهدیایا تركیهیێ چاڤکانیێن ئاک پارتیێ گۆتن کو د دەربارێ پێڤاژۆیێ دە چ نهرێنیهك نینه و ئەو ل گۆری بەرنامەیا خوە تەڤدگەرن. د ڤێ چارچۆڤەیێ دە، تێ گۆتن د دەمەک کورت دە هندەک گاڤێن ئیداری یێن کو قانوونێ هەوجە ناکن بێن ئاڤێتن. ئیستخباراتا تركیهیێ ژی ترافیکا تێکلییا خوە هەم ب قەندیلێ و هەم ژی ب ئیمرالیێ رە بلەز کرییە، و ئەو نرخاندنان د دەربارێ گاڤێن هاندانا رێخستنێ ژ بۆ دانینا چەکان دکە.
چاڤکانیێن ئاک پارتیێ دبێژن: “ئەم ژ دەستپێکێ ڤە دبێژن کو ئەڤ پێڤاژۆ گاڤ ب گاڤ پێش دکەڤە. دبە کو هندەک دەرەنگمایین هەبن، لێ ئەم بەحسا پێڤاژۆیەکا ب ساناهی ناکن. ئەم ب گۆتنێن دەمکی یێن دن عەلاقەدار نابن. ل ڤر موخاتهب ئۆجالانە. ژ بەر ڤێ یەکێ یەکینەیێن ئەولەھیێ هەر مژارەکێ ب ئۆجالان رە نیقاش دکن. د دەمەک نێزیک دە دێ پێشکەتنێن نوو هەبن.”
میت دەست ب ئامادەکارییێن تەکنیکی دکە
رێڤهبهرییا ئاک پارتی ل دژی دهرخستنا چ قانوونهكێ یه بهری پێڤاژۆییا بێچهككرنێ، ئهو هەلوەستا خوە ددۆمینە کو بەری رێزکنامەیێن قانوونی وەرن چێکرن دڤێ بێچەککرن وەرە پشتراستکرن،.
د راپۆرا كو رێڤەبەرێ میتێ ئیبراهیم کالن ڤێ داویێ ئاراستهی رێڤەبەریا ئاک پارتیێ كرییه ئاماژه ب: نرخاندن ل سەر مژارێن وەکی کا ئەندامێن بێچەک یێن پهكهكێ دێ چەوا وەرن گرتن، دێ چ ب سەرێ چەکان هێت و ئەندامێن پهكهكێ یێن کو دێ ڤهگهرن تركیهیێ دێ د کیژان پێڤاژۆیێن قانوونی دە بن، هاتنه کرن. رێڤەبەریا ئاک پارتیێ هەر وها ژ میتێ پێشنیار دەربارێ ئامادهكاریێن پێویست خواست. هاتە گۆتن کو میتێ هەم د دەربارێ پێڤاژۆیێن یاسایی و هەم ژی د دەربارێ میکانیزما پشتراستکرنا دانینا چهكان دە، ئامادەکاریێن تەکنیکی دکە.
ئەو دێ ژ فلتەرەکێ دەرباس ببن
ل گۆری ئاگاهیێن هاتنە ب دەست خستن، پشتی کو ئامادهكاری و چارچۆڤەیا كارگێری یا کو ژ بۆ گهریلا و ئهندامێن پهكهكێ یێن کو چەکێن خوە ددانن، تێن چێكرن، ئەندامێن پهكهكێ یێن کو دخوازن ڤهگهرن تركیهیێ دێ د فیلتەرا میکانیزما پشتراستکرنێ یا کو دێ ژ هێلا دهزگههێن ئەولەھیێ ڤە هێته دانان، دەرباس ببن. ب ئاوایەکی، دەستھلاتا ڤەگەرا ئەندامێن پهكهكێ دێ ب ڤێ میکانیزما پشتراستكرنێ بیت.
داخویانیا قەندیلێ رەخنەیان ل دویڤ خوە دئینت
د ڤێ ناڤبەرێ دە، داخویانیا کو چەند رۆژان بەرێ ژ هێلا مورات قارایلان فهرماندارێ ههپهگێ هاتیە کرن، کو گۆتبوو “پێڤاژۆ هاتیە جەمداندن”، هەم ژ هێلا پارتییا دەمێ و هەم ژی ژ ئیمرالیێ بەرتەک ل پهی خوه ئانین. بەرپرسێن پارتییا دەمێ دیار کرن: ئەم ناخوازن گۆتنا کو پێڤاژۆ جەمدیە بکار بینن. گۆتنەکا ب ڤی رەنگی ل دژی رووحێ پێڤاژۆیێ یە، ژ بەر کو ئەڤ نە پێڤاژۆیەکە کو ئەم بشێین بجەمدینن. دبە کو خالێن بێچالاکبوونێ هەبن، لێ بناڤکرنا رەوشا هەیی وەکی “پێڤاژۆیەکا جەمداندنی” نێزیکاتیەکا زێدەیە.
