پێڤاژۆیا ئاشتیێ د نێڤبەرا هێلا سۆر یا پەکەکێ و خاڤبوونا ئەنقەرهیێ ده
دۆران كالكان رێڤهبهرێ پهكهكهیا هلوهشیایی رادگهینه؛ تهڤی كو تركیه هێژان ژی ب نهرینا “تێكۆشینا ل دژی تهرۆرێ“ نێزی پێڤاژۆیێ دبه، لێبهلێ ئهم ههر ژێ باوهر دكن و گۆت: تشتا گرینگ ژ بۆی مه ئازاداییا فیزیكی یا ئۆجالانه.
د هەڤپەیڤینەکێ ده ب کەنالا (Medya Haber TV) یا پهكهكێ، دۆران کالکان رێڤهبهرێ پهكهكهیا هلوهشیایی، هن مژارێن گرینگ دهربارێ پێڤاژۆیا ئاشتیێ، سیاسەتا دەولەتا ترك و رەوشا ولاتێن دهردۆر نرخاندن.
دهربارێ پێڤاژۆیا ئاشتیێ و یاسایا چوارچۆڤەیی، کالکان ئاماژە ب وێ یەکێ کر کو تهڤی گەنگەشەیێن جدی ل سەر ئامادەکرنا یاسایەکێ بۆ پێڤاژۆیا ئاشتیێ، لێبەلێ هێژان دەقەکی روهن و بەرچاڤ ل بەردەست تونه و رایا گشتی ژێ بێی ئاگەهە.
ئۆجالان هێلا سۆره، تركیه د بن ناڤێ تێكۆشینا دژی تهرۆرێ نێز دبه، لێ ئهم ژێ باوهر دكن!
د مژارا رهوشا ئۆجالان ده ژی دۆران كالكان تهكهز دكه کو ئازادیا فیزیکی یا ئۆجالان هێلان پهكهكێ یا سۆره و ههروهها کلیل و مەرجێ سەرەکه یێ سەرکەتنا هەر یاسا و پێنگاڤەکێ یە. بەرهڤاژی ڤێ یەکێ، تەڤگەر و گەل دێ هەلوهستەکی نەرێنی وەرگرن.
كالكان ههروهها گۆت: دەولەتا ترک هێژان د بن ناڤێ “تێکۆشانا دژی تیرۆرێ” ده نێزی پێڤاژۆیێ دبه، لۆما ژی راگهاندنا داویێ یا ئهنجومهنا ئهولههییا نشتیمانی یا تركیهیێ ت گوهۆرینهك تێ ده تونه بوو. لێبهلێ ئهم ژ راستیا پێڤاژۆیێ باوهر دكن، لۆما ژی ئهم د مهشینن.
د مژارا شێوازێ خهباتا پهكهكێ ده، دۆران كالكان رادگهینه كو ئاوایێ خهباتا رێخستنێ هاتیه گوههراندن و ئهو بۆ پاش ڤهناگهرن. ئەو دبێژه هن ئالیێن سۆدمهند هەنە و دۆستاتیا رەوشا بهرێ یا پهكهكێ دكن ژ بۆ کو ژ شەر سۆد بگرن، لێبەلێ ستراتهژییا نوو یا تەڤگەرێ ل سەر بنگهها سیاسەتا دهمۆكراتیك و چارەسەریا ئاشتیانە دێ بەردەوام بكه.
ئازادییا فیزیكی و چارهنووسا پێڤاژۆیێ
سالهك و چار مههـ ل سهر دهستپێكرنا پێڤاژۆیا ئاشتیێ دهربازبوون، لێ پهكهكێ چارهنووسا وێ ب یا ئۆجالان ڤه گرێدایه. ئهڤ 27 سالن پهكهكه گهلێ كورد ب ههبوونا تهجریدێ ل سهر ئۆجالان د خاپینه، لێ یا راست ئۆجالان وهكه زلامهكی گرینگ یێ دهولهتا ترك سهربهسته و ئهڤ یێك ب بهلگه ڤه ژ هێلا ئهحمهد زهكی ئوكچۆئۆغلو، یهكهمین پارێزهرێ ئۆجالان ڤه هاتییه ئاشكهره كرن كو گۆتبوو: “ئۆجالان ت جارهكێ ل ئیمرالیێ نهژیایه”.
پهكهكه ژی هێژان ل سهر ڤێ دهرهوێ رژده كو دڤێ ئۆجالان وهره ئازاد كرن، ل دهمهكێ دهولهت باخچهلی ههر تشت ئیفشا كر و ئێدی ئهو ژ رێخستنێ زێدهتر پشتگرییا ئۆجالان و رهوشا ئۆجالان دكه.
چما تركیه د مهشاندنا پێڤاژۆیێ ده سست و خاڤه؟
چاڤدێرێن كو پێڤاژۆیێ د شۆپینن گهیشتنه وێ باوهرێ كو ئۆجالان د سالهك و 4 مههان ده ئانگۆ ژ دهما یێكهم بانگا وی یا سباتا 2025ێ، خزمهتهكه ههری مهزن پێشكێشی دهولهتێ كر، ئانگو تشتا كو دهولهتێ د خوهستی ئۆجالان بجیهـ كر، لۆما ژی ئێدی د مهشاندنا پێڤاژۆیێ ده سست و خاڤ بوویه و د پراتیك ده ت گاڤێن بهربچاڤ دهربارێ “ئاشتییا مایینده” نهئاڤێتنه.
مهرجێن ئهنقهرهیێ چهكدانینا بێی شهرت و مهرج یا پهكهكێ و تهڤ باسكێن وێ یه، لێ پهكهكه دبێژه: دڤێ ئهول رێزكنامهیێن قانوونی وهرن دهرخستن.
ئۆجالان د بن ناڤێ ئاشتیێ ده چ ئانی سهرێ كوردان؟
ئۆجالان پشتی 43 سالێن شهر، بێی ت مهرج و شهرت و بێی ت دهستكهفت ژ بۆی كوردان ژ پهكهكێ ره گۆت: خوهفهسخ بكن. “كورد، كوردستان، نهتهوهیا كورد و دۆزا كوردان” ئهڤ پهیڤ د چ یێك ژ بانگهوازیێن وی ده نهبوون و د بن ناڤێ ئاشتیێ ده، وی ئهڤ نرخ و پیرۆزی ب “نهتهوهیا دهمۆكراتیك، جڤاكا دهمۆكراتیك و تركیهیا دهمۆكراتیك” گوههراندن. ئۆجالان ئهوقاس بۆ بهێزكرنا تركیهیێ و لاوازكرنا كوردان خهبتی كو رهوش گهیشته ئاستهكی كو باخچهلی د ههفتهیێ ده دو جاران پهسنێ ئۆجالان دكر و دگۆ: “ئۆجالان ئهركا خوه پڕ باش ب جیهـ دكه”.!
