موراد ئەمیر ژ بۆ پێڤاژۆیا ئاشتیێ بانگ ل دەستھلاتێ کر: “راپۆرتێ بێخنە د وارێ جیبجیکرنێ دە”
پارتیا گەلا کۆماری (جەهەپێ) رەخنەیێن توند ل پۆلیتیکایێن حکوومەتێ یێن د وارێ دەمۆکراسی و یاسایێ دە گرتن. جیگرێ سەرۆکێ کۆما جەهەپێ موراد ئەمیر راگھاند کو راپۆرتا پارلامەنتۆیێ یا ژ بۆ چارەسەری و ئاشتیێ ھاتیە ئامادەکرن، ل سەر رەفان ھاتیە ھشتن و دەستھلات د ڤی واری دە چ گاڤێن بەربچاڤ ناهاڤێژیت.
ئەمیر، کو وەکی کەسەکی نێزیکی “سەرۆکێ جەهەپێ” ئۆزگوور ئۆزەل تێ ناسکرن، دیار کر کو شەرتا ھەری پێشین یا ئاشتیەکا ماییندە جیبجیکرنا دادوەریێ یە. لێ بەلێ ل گۆری وی، کەشوهەوایێ سیاسیی یێ ھەیی ل شوونا پێشڤەچوونێ، بەر ب پاشڤەچوونێ ڤە دچیت.
موراد ئەمیر بال کشاند سەر گرینگیا راپۆرتا کۆمیسیۆنێ و وھا ئاخڤی:
“ئەڤ خەبات نە تەنێ یا پارتیەکێ، ب پشتگریا ھەموو فراکسیۆنێن د پارلامەنتۆیێ دە و ب ھشێ ھەڤپار یێ جڤاکێ ھاتبوو ئامادەکرن. ژ بۆ کو توندوتیژی ب یەکجاری ژ ھۆلێ رابە، د راپۆرتێ دە رێیێن دەمۆکراتیک ھاتبوون نیشاندان. دڤێت ئەڤ داخوازە نەبن قوربانیا گۆتنێن رۆژانە.”
جیگرێ سەرۆکێ کۆما جەهەپێ د داویا داخویانیا خوە دە دەستنیشان کر کو بێیی سەروەریا یاسایێ و بێیی کو دادپەروەری ل ترکیەیێ ببە بنگەھا سەرەکی، نە موومکنە کو بنگەھەکا ساخلەم ژ بۆ ئاشتیێ بهێت ئاڤێتن.
