ھێزێن پەکەکێ ل سەر سینۆرێ رۆژھلاتێ کوردستانێ کۆم دبن…
نووچەیەکێ گرنگ ژ سەر سینۆری! ل چیایێن سەرکەش یێن سینۆرێ رۆژھلات و باشوورێ کوردستانێ، تەڤگەرێن نەدیتی و ب گومان دقەومن. پرس ئەڤە: گەلۆ کۆمپلۆیەکا نوو ل دژی رۆژھلاتێ کوردستانێ د رێ دایە؟
لێکۆلینێن تایبەت یێن دارکا مازی راستیەکا مەترسیدار دەرخستیە ھۆلێ! پەکەکێ ب سەدان شەرڤان ژ رۆژئاڤا، گارە و بەھدینانێ ڤەکشاندنە و ئانینە سەر سینۆرێ ئیرانێ. نە تەنێ چەک… ماکینەیێن مەزن یێن تونەلکۆلینێ، تەقەمەنی و ئالاڤێن کوورکرنا شکەفتان ژی ل ڤان چیایان ھاتنە بجھکرن!
ئەڤ پلان، د سێ خەتێن سەرەکی دە تێ مەشاندن:
-
خەتا یەکەم: ل دۆرا قەندیلێ و سینۆرێ راستەراستێ ئیرانێ!
-
خەتا دویەم: ژ قەندیلێ ھەتا ئاسۆس، پێنجوین، حەلەبچە و بیارە!
-
خەتا سێیەم: ژ قەندیلێ ھەتا برادۆست، چۆمان، سیدەکان و بلنداهییێن خاکورکێ!
لێ پرسیارێن تژی گومان تام ل ڤر دە دەست پێ دکن…
ئەڤ تونەلێن کو تێنە کۆلاندن، پر نێزیکی نوقتەیێن لەشکەری یێن ئیرانێ نە! دەنگێ تەقینان چیا دھەژینە، لێ کۆمارا ئیسلامی یا ئیرانێ بێدەنگە!
ئیرانا کو باژارێن کۆیە، زەرگوەز و حەریرێ بۆمباران دکرن… چما ل بەر ڤان تەڤگەرێن پەکەکێ یێن ل سەر سینۆری چاڤێن خوە دگریت؟
ھێزێن کو ناڤێ پژاکێ ل خوە کرنە، نھا ل سەر رێیێن سەرەکی یێن مھاباد، سنە، پیرانشار و مەریوانێ ئازادانە دگەرن. دەولەتا ترک ژی کو بەرێ دگۆت “بلا پژاک چەکان دەینە”، نھا بێدەنگیا مرنێ ھلبژارتیە.
گەلۆ ئەڤ بێدەنگی نیشانا چیە؟
دیرۆک خوە دوبارە دکە!
تشتا ل رۆژاڤا ھات کرن، کو بەرژەوەندیێن گەلێ کورد ژ بۆ ھەڤکاریا لگەل شام و ئەنقەرەیێ ھاتن فەدا کرن، نھا ھەمان سیناریۆ ژ بۆ رۆژھلات تێ ئامادەکرن. پژاک نە تشتەکی دنە، ماسکەیا نوویا پەکەکێ یە.
شۆرەشا ئازادیێ یا رۆژھلاتێ کوردستانێ نکارە ببە قوربانا بازارێن سیاسییێن عەبدوللاھ ئۆجالان و پەکەکەیا بەلاڤبوویی!
بەرنامەیا کو ئیرۆ ل سەر سینۆری دهێتە مەشاندن، نە ژ بۆ کوردەکی ئازادە…
ئەڤە، راستەراست پرۆژەیا رادەستکرن و فرۆتنا رۆژھلاتێ کوردستانێیە!
