شارەداریا باژارێ مەزن یا ستەنبۆلێ ب زمانێ کوردی دەست ب پێشکێشکرنا خزمەتگوزاریان کر
شارەداریا باژارێ مەزن یا ستەنبۆلێ، ل ناڤەندا چارەسەریێ یا ئەلۆ 153 ب زمانێ کوردی (زاراڤەیێ کورمانجی) دەست ب پێشکێشکرنا خزمەتگوزاریان کر و د وارێ رێڤەبەریا پرزمانی دە گاڤەکا گرینگ ئاڤێت.
ناڤەندا چارەسەریێ یا ئەلۆ 153 کو د بن بانێ بەشا تێکلیێن گشتی یا شارەداریا باژارێ مەزن یا ستەنبۆلێ دە خەباتێن خوە دمەشینە، بەرێ ب زمانێن ترکی، ئینگلیزی و عەرەبی خزمەت ددا وەلاتیان. لگەل ڤێ رێزکنامە و گوھەرینا نوو، زاراڤەیێ کورمانجی ژی ل زمانێن خزمەتگوزاریێ یێن ناڤەندێ ھاتە زێدەکرن دا کو وەلاتیێن کورد بکاربن ب زمانێ خوەیێ زکماکی داخواز، پێشنیار و سکالایێن خوە بگەھینن شارەداریێ.
رایەداران دەستنیشان کر کو مەبەستا ڤێ خزمەتگوزارییا نوو، کو رۆژانە ژ ئالیێ دەھان ھەزار نشتەجھێن ستەنبۆلێ ڤە تێ بکارئانین، ھێسانکرنا گھیشتنا خزمەتگوزاریێن گشتییە. تێ چاڤەرێکرن کو ئەڤ گاڤ ببە سەدەم کو وەلاتی پرسگرێکێن خوەیێن شارەداریێ ب ئاوایەکی زووتر و ب باندۆرتر ب زمانێ خوە بینن زمان.
