ئەڤ ژن یەک ژ رۆژنامەڤانێن پەکەکێ یە. ئەو پیرۆزباھیێ ل مەزلووم عەبدی دکە ژ بەر کو بوویە شێورمەندێ “مستەشارێ” ئەحمەد شەرع.
لێ گەلۆ د راستیێ دە دڤێت پئرۆزبایی بێ کرن یان رەخنە؟
کوردێن ژ ھەر چار پەرچەیێن کوردستانێ ھەر تشتێ کو ژ دەستێ وان دھات ژ بۆ رۆژئاڤا کرن. کوردێن ژ ھەر چار پەرچەیان ژ بۆ رۆژئاڤا شەر کرن. ب دەھان جاران ئالیکاریا دارایی ھات دایین. چەک ھاتن دایین. کورد ژ بۆ رۆژئاڤا بوون مەرتال.
کوردێن ل رۆژئاڤا 17.000 شەھید دان. نێزیکی 4.000 ژ وان سڤیل بوون.
ب ھەزاران کەسێن ژ عەفرین ئاخێن خوە تەرکاندن و ب سالان ل کامپان و ل کۆلانان ژیان، رەوشا پەنابەریێ یا گران دیتن.
کوردێن ل سەرێ کانیێ و گرێ سپی کۆچبەر بوون و هێژ ژی نکارن ڤەگەرن.
گەلێ رۆژئاڤا شەر و تراڤمایەک گران ژیان کر؛ دەمۆگرافیا باژارێن کوردان تێک چوو. مالبات ھاتن وێرانکرن، بەلاڤ بوون.
گەلۆ کوردان، و ب تایبەتی گەلێ رۆژئاڤا، ئەڤ بەدەلێن گران دان دا کو مەزلووم عەبدی ببە شێورمەندێ “مستەشارێ” سەرۆکاتیێ؟
بێ گومان نا. کوردان ئەڤ بەدەل ژ بۆ وەلاتەکی ئازاد، مافێ خوەرێڤەبەریێ، مافێ پەروەردەھیێ ب زمانێ دایکێ و مافێ کۆنترۆلکرنا دەولەمەندیا ئاخا خوە دان.
لێ نھا، گەلێ رۆژئاڤا د رەوشەک خرابتر دەیە ژ 5 سال بەرێ.
زمانێ کوردی بەرێ یەکانە زمان بوو؛ نھا ئەو بژارتەیە.
داھاتا پەترۆل و گازێ د دەستێ کوردان دە بوو؛ نھا نە.
بەنداڤ و چاڤکانیێن ئاڤێ د دەستێ کوردان دە بوون؛ نھا نە.
دەریێن سینۆر د دەستێ کوردان دە بوون؛ نھا نە.
سازی د دەستێ کوردان دە بوون؛ نھا نە.
کوردان ل رۆژئاڤا وندا کرن.
ھەر چەند ھەر تشت ئەوقاس زەلال بە ژی، ژ مە تێ خوەستن کو ئەم پیرۆز بکن کو مەزلووم عەبدی بوویە شێورمەند.
عەبدوللاھ ئجالان شێورمەندێ ئەردۆگان و دەولەتا ترکیێیە…
مەزلووم عەبدی شێورمەندێ ئەحمەد شەرعێ کۆمارا عەرەبی یا سووریەیێ یە…
گەلۆ کوردان ئەڤ بەدەل تەنێ ژ بۆ کو کەسەک ببە شێورمەند دان؟
نا…
ئەم پیرۆزباھیێ ل مەزلووم عەبدی ناکن. بەرەڤاژی ڤێ، ئەم رەخنەیێ ل وی دکن.
وەکی شێورمەندێ ئەحمەد شەرع، وی ئەحمەد شەرع، سەرۆکێ رێخستنەکێ کو ژنێن ئێزیدی ل سووکێ دفرۆتن، رەوا کر. وەکی شێورمەندێ ئەحمەد شەرع، مازلووم عەبدی پەیامەک ژ بۆ جیھانێ شاند کو “ئێدی پرسگرێکا کورد ل سووریەیێ تونە.”
مەزلووم عەبدی رێ ل بەر کوردان گرت کو، وەکی بەشەک ژ کۆمارا عەرەبی یا سووریەیێ، مافێن خوەیێن وەکی نەتەوەیەک کورد ژ دەولەتێ بخوازن.
کوردان پشتگرییا وی کرن، شاھین کۆبانیێ پەکەکەیی ب ناڤێ “گەنەرال مەزلووم” ب ناڤ کرن. لێ ئەو بوو پیۆنەک د سیاسەتا ئەنتەگراسیۆنێ یا ئۆجالان دە، بوو وەلاتیێ سووریەیێ مستەفا خەلیل عەبدی.
