پەکەر سپاسیا باخچەلی کر…

بەریا چەند رۆژان د مەدیایا ترکی دە نووچەیەکە بالکێش ھات بەلاڤکرن. ل گۆری نووچەیێ، سەرۆکێ مەھەپێ دەولەت باخچەلی دو مالباتێن کو ل ترکیەیێ وەکی مالباتێن مەزن یێن مافیایێ تێن ناسکرن ل ھەڤ ئانین.

نووچە ب ڤی ئاوایی بوو: سەرۆکێ مەھەپێ دەولەت باخچەلی، بورھانەدین سارال و سەدات شاھین ژ مالباتێن سارالار و شاھنلەر ل ناڤەندا گشتی یا مەھەپێ ئانین جەم ھەڤ.

وێنەیێن ھەر دو ئالیان کو دەستێ ھەڤ گرتبوون ھاتن پارڤەکرن و مەھەپێ ئەڤ ھەڤدیتن ب گۆتنێن “ھەمبێزکرن و ھەڤدیتنەکە دیرۆکی” راگھاند.

پشتی جڤینێ، کو ژ بەر دژمناتیا دەمدرێژ یا د ناڤبەرا مالباتێن سارالار و شاھنلەر دە کەتبوو رۆژەڤێ، سەدات پەکەر ژی داخویانیەک دا.

پەکەر د مەدیایا جڤاکی دە ل سەر پلاتفۆرما ئیکسێ داخویانیەک بەلاڤ کر و سپاسیا باخچەلی کر.

پەکەر د پەیاما خوە دە گۆت: “کەسێن کو ناڤبەینکاریا ئاشتیێ دکن و یێن کو بریاران ژ بۆ ئاشتیێ ددن، عەڤدێن ھەری حەزکری یێن خوەدایێ تەعالا نە. ئەڤ بریارەکە پر ھێژایە؛ بلا خوەدایێ تەعالا ژ ھەر کەسێ کو بەشدار بوویە، ب تایبەتی ژ سەرۆکێ مەھەپێ برێز دەولەت باخچەلی رازی بە.”

د رایا گشتییا ترکیەیێ دە ئەڤ کەسایەت ھەموو وەکی سەرۆکێن مافیایێ تێن ناسکرن. رۆلا باخچەلی د ڤێ دەربارێ دە بالکێشە و ئەڤ ھەلوەستا وی بانگا ل ئۆجالان تینە بیرا مرۆڤ. گەلۆ گرێدانەکا ڤان بوویەران ب ھەڤ رە ھەیە؟ ئەڤ ژی وەکی پرسەکێ دەرکەت ھۆلێ…