لە یەکەم هەڵبژاردنی ڕۆژئاڤادا، ئەنەکەسە سەرکەوتنێکی گەورەی بەدەستهێنا و گەلی کورد پەکەکەی ڕەتکردەوە

گەلی ڕۆژئاوای کوردستان لە یەکەم پرۆسەی دیموکراسی و مەدەنییدا، کاندیدەکانی پەکەکەیان سزادا.

لە یەکەم هەڵبژاردنی ڕۆژئاوای کوردستاندا کاندیدەکانی ئەنەکەسە سەرکەوتنیان بەدەستهێنا و کاندیدەکانی پەکەکە و مەزڵووم عەبدی ڕەتکرانەوە.

دوای ئەوەی هەڵبژاردنی “مەجلیسی گەل” (پەرلەمانی) لە ڕۆژئاڤای کوردستان کۆتایی هات، لیژنەی باڵای هەڵبژاردن لە سووریا ئەنجامی هەڵبژاردنەکانی ڕاگەیاند. لە شارەکانی قامیشلۆ، حەسەکە، کۆبانێ و دێرک، ئەنەکەسە و پارتی دیموکرات سەرکەوتنیان بەدەستهێنا و پەکەکەش پلەی دووەم و سێهەمی بەدەستهێنا.

ڕۆژی یەکشەممە 24/5/2026، هەڵبژاردنی ئەندامانی “مەجلیسی گەل” لە هەریەک لە شارەکانی حەسەکە، قامیشلۆ، کۆبانێ و دێرک بەڕێوەچوو، لە کاتێکدا لە عەفرین و تل عەراندا هەڵبژاردن لە 5ی ئۆکتۆبەری 2025دا بەڕێوەچووبوو.

دەنگەکانی بازنەکانی هەڵبژاردن بەم شێوەیە بوو:

بازنەی قامیشلۆ:

ـ ڕزوان سەیدۆ ـ نوێنەری ئەنجومەنی نیشتمانیی کورد (ئەنەکەسە)، 160 دەنگ.

ـ عەبدولحەلیم ئەلعەلی ـ لە پێکهاتەی عەرەب، 142 دەنگ.

ـ کیم ئیبراهیم ـ نوێنەری کۆمەڵگەی مەدەنی و کاندیدی مەزڵووم عەبدی، 139 دەنگ.

ـ مەحموود ئەلمازی – لە پێکهاتەی عەرەب، 139 دەنگ.

بازنەی حەسەکە:

ـ ئیبراهیم ئەلعەلی – لە پێکهاتەی عەرەب، 122 دەنگ.

ـ عومەر الهایس – لە پێکهاتەی عەرەب، 113 دەنگ.

ـ فصلە یوسف – لە ئەنجومەنی نیشتمانیی کورد، 86 دەنگ.

بازنەی دێرک:

ـ ئەحمەد موراد – لە کۆمەڵگەی مەدەنی، کاندیدی پارێزگار و مەزڵووم عەبدی.

ـ عەلی ئەلعابد – لە پێکهاتەی عەرەب، بە تەزکیە سەرکەوت.

بانەی کۆبانێ:

ـ فەرهاد شاهین – لە ئەنجومەنی نیشتمانیی کورد لە سووریا (ENKS).

ـ شواخ ئەلعاسف – لە پێکهاتەی عەرەب.

بازنەی عەفرین:

ـ شێخ سەعید شێخ ئیسماعیل زادە ـ لە پارتی دیموکراتی کوردستان – سووریا.

ـ محەمەد سەیدۆ – لە پارتی دیموکراتی کوردستان – سووریا.

ـ ڕێنگین عەبدۆ – سەربەخۆ (بێلایەن).

ئەنەکەسە لە زۆربەی بازنەکاندا لە پێشەوەی پەکەکە بوو

لە بازنەی قامیشلۆ، کاندیدی ئەنجومەنی نیشتیمانیی کورد بە ناوی “ڕزوان سەیدۆ” زۆرینەی دەنگەکانی بەدەستهێنا و پلەی یەکەمی گرت. هاوکات کاندیدی پەکەکە و مەزڵووم عەبدی بە ناوی “کیم ئیبراهیم” لە پلەی سێیەمدا هات، کاندیدی پێکهاتەی عەرەبی “عبدالحلیم ئەلعەلی” پلەی دووەمی بەدەستهێنا.

هەروەها لە پارێزگای حەسەکە، پلەکانی یەکەم و دووەم بۆ کاندیدەکانی پێکهاتەی عەرەب بوون و کاندیدی ئەنەکەسە پلەی سێهەمی بەدەستهێنا. لە حەسەکە هیچ کاندیدێکی پەکەکە سەرنەکەوت.

لە کاتێکدا لە دێرک دوو کاندید هەبوون، ئەوانیش “ئەحمەد موراد” کە کاندیدی مەزڵووم عەبدی و پارێزگار بوو، لەگەڵ “عەلی ئەلعاید” لە پێکهاتەی عەرەبی کە ئەویش بە تەزکیە سەرکەوت.

لە شاری کۆبانێ، کاندیدی ئەنەکەسە “فەرهاد شاهین” پلەی یەکەم و “شواخ عەساف” لە پێکهاتەی عەرەبی پلەی دووەمی بەدەستهێنا.

شایانی باسە لە عەفرین کە پێشتر هەڵبژاردنەکان بەڕێوەچووبوو، “شێخ سەید ئیسماعیل زادە” و “محەممەد سەیدۆ” کاندیدەکانی پارتی دیموکراتی کوردستانی سووریا لە پلەی یەکەم و دووهەمدا هاتبوون و “ڕەنگین عەبدۆ” کاندیدی سەربەخۆ پلەی سێیەمی بەدەستهێنا.

نوێنەرانی سەرکەوتووی کورد لە “ئەنجومەنی گەل”ی سووریا بریتین لە:

حەسەکە:

فصلة يوسف ـ لە ئەنجومەنی نیشتمانی کورد لە سووریا (ENKS).

قامیشلۆ:

ـ ڕزوان سەیدۆ – ئەنجومەنی نیشتمانی کورد لە سوریا (ENKS) – لە پارتی یەکسانی.

ـ کیم ئیبراهیم – لە کۆمەڵگەی مەدەنی، کاندیدی مەزڵووم عەبدی.

دێرک:

ـ ئەحمەد موراد – لە کۆمەڵگەی مەدەنی، کاندیدی مەزڵووم عەبدی.

کۆبانێ:

ـ فەرهاد شاهین – ئەنجومەنی نیشتمانی کورد لە سووریا (ENKS) – لە پارتی دیموکراتی کوردستان – سوریا.

عەفرین:

ـ شێخ سەعید شێخ ئیسماعیل زادە – لە پارتی دیموکراتی کوردستان – سووریا.

ـ محمد سەیدۆ – لە پارتی دیموکراتی کوردستان – سووریا.

ـ ڕەنگین عەبدۆ – سەربەخۆیە، باوکی ئەندامی حزبی شیوعی سووریایە.

تل عەران:

ـ عومەر غەریبۆ – سەربەخۆ.

لە یەکەم پرۆسەی دیموکراسی و مەدەنیی ڕۆژئاوای کوردستان کە هەڵبژاردنی نوێنەران بوو بۆ ئەنجوومەنی گەل، کاندیدەکانی پەکەکە لەلایەن خەڵکەوە سزا دران. ئەمەش دوای ئاشکرابوونی ئەو سیاسەتە هەڵەیە بوو کە پەکەکە پەیڕەوی کردبوو و بەهۆیەوە لە ژێر ناوی “برایەتی گەلان”دا ڕۆژئاڤا و گەلەکەی بەرەو کاولکاری و کۆمەڵکوژی برد.