ئەگەر بێت و واشنتۆن پشتگیری لە کوردستان بکات، هاوشێوەی ئیسڕائیل دەوڵەتێکی کوردی دەتوانێت نوێنەرایەتی سەرکەوتنەکانی ئەمەریکا لە خۆرهەڵاتی ناوەڕاستدا بکات.
ماڵپەڕێکی ئەمەریکی، هەرێمی کوردستان بە باشترین و دوایین هیوای ئەمەریکا لە خۆرهەڵاتی ناوەڕاست دەزانێت، ئاماژەی بەوە داوە کە بە پشتگیریکردن لە دەوڵەتێکی کوردی، ئەمەریکا دەکرێت لەزۆر ڕووەوە سوودی پێبکات لە رۆژهەڵاتی ناوەڕاستدا.
“بێن سیگاڵ”، کە دەرچووی زانکۆی “جۆرج واشنتۆن”ـە لە بەشی “بەرنامەی خوێندنی سیاسەتی ئاساییشی” هەروەها هەڵگری ماستەر لە بەشی “توێژینەوەکانی خۆرهەڵاتی ناوەڕاست و زمانی عەرەبی”، لە بابەتێکیدا بۆ گۆڤاری ئەمەریکی “ئینتەرناشناڵ پۆڵەسی دایجێت” نووسیویەتی هێزە چەکدارەکانی هەرێمی کوردستان هەر پێشتر سەلماندوویانە کە دەتوانن ببن بە هاوەڵ و هاوبەشی ڕاستەقینە و جێمتمانەی ئەمەریکا لە شەڕی دژی تیرۆر.
نووسەر هەروەها دەڵێت: “ناسنامەی جیای کورد و حکوومەتی ئازادیخواز و ئابووری و هەروەها مێژووی سەربازییان دەکات بە کاندیدێکی سەرەکی بۆ دەوڵەتیکردنی ئەمەریکا کە پشتیوانی لێ دەکرێت”.
سیگاڵ هەروەها پێیوایە کە هاوشێوەی ئیسڕائیل دەوڵەتێکی کوردی دەتوانێت نوێنەرایەتی سەرکەوتنەکانی ئەمەریکا لە خۆرهەڵاتی ناوەڕاستدا بکات ئەگەر بێت و واشنتۆن پشتگیری لە کوردستان بکات.
هەروەها ئاماژەی بەوەداوە کە نەک تەنیا بۆ ئەمەریکا بەڵکوو “پشتیوانی لە دەوڵەتبوونی کورد دەتوانێت بە هاوبەشی بازرگانییەکی بەنرخ بداتە چەند هاوپەیمانێکی ئەمەریکایی لە ڕۆژهەڵاتی ناوەڕاستدا و ئامانجێک بۆ وەبەرهێنان. سوپایەکی کورد کە لەلایەن ئەمەریکاوە مەشقی پێکراوە و ئامادەکراوە، دەتوانێت لە ئۆپەراسیۆنە هاوبەشەکانی دژە تیرۆردا کاربکات و ڕێگری لە سەرهەڵدانەوەی دەوڵەتی ئیسلامی بکات. دەستگەیشتنی کوردستان بەنەوت و سەرمایەی ڕۆشنبیری، دەوڵەتبوون دەکاتە ڕێڕەوێکی کرداری مەنتقی و گرانبەها.”
لەکۆتاییدا نووسیویەتی کە گەلی کورد بەتەنیا ناتوانێت دەوڵەت بنیاد بنێت “ئەمەریکا تاکە وڵاتێکە کە توانای سەرکردایەتی و ئیرادەی سەربازی و پەیوەندی مێژوویی هەیە، بۆ پشتگیریکردنی ئەو دەوڵەتەی کە کورد زۆر بە نائومێدییەوە پێویستی پێیەتی و شایەنیەتی، نابێت ڕێگە بە تورکیا بدرێت بە بەردەوامی یاسا نێودەوڵەتییەکان و نۆرمەکانی ناتۆ بشکێنێت بەبێ پرسیار و ئەنجام ئەگەر ئەمەریکا شکستی هێنا لە کرداردا، ئەوا دەبێت بەشیک لە بەرپرسیارێتی هەموو مردن و دڕندەیەک قبوڵ بکات کە لە لایەن هاوبەشە کوردە دڵسۆزەکانییەوە دەناڵێنێت ئێمە چ پەیامێک بۆ هاوپەیمانەکانمان دەنێرین ئەگەر پاداشتی وەفاداری وەک ئەوەی کورد بێت، ئایا دووڕوویی گونجاو و ناکۆمەڵایەتی ئێمەیە؟ خەرجییەکانی نامۆکردنی دەوڵەتانی تری ڕۆژهەڵاتی ناوەڕاست لە هیچ شوێنێک نزیک نییە لە تێچووی ڕێگەدان بە جینۆساید و خیانەتکردن لە دژی کورد. بەردەوام بێت دەوڵەتی کوردی دەرفەتی سەلامەتی و ئابووری بۆ ملیۆنان کەسی لاواز دابین دەکات دەبێت ئەمەریکا بەشی خۆی جێبەجێ بکات بۆ ئەوەی بزانێت دەوڵەتێکی کوردی لە ئازادی و خۆشگوزەرانیدا بەرلەدواکەوتن دێتەدی”.
