تورکیا بە بیانووی حزووری پەکەکەوە، لەماوەی 24 کاتژمێری ڕابردوودا زنجیرەیەک هێرشی ئاسمانیی بۆ سەر هەرێمی کوردستان ئەنجامداوە.
لە دوێنێ ڕۆژی شەممەوە، 11 گەریلای پەکەکە لە ناوچەکانی مەتینا و خواکورکی باشووری کوردستاندا کراونەتە ئامانج و گیانیان لەدەستداوە.
وەزارەتی بەرگریی تورکیا بڵاویکردەوە، لە 24 کاتژمێری ڕابردوودا، زنجیرەیەک هێرشیان بۆ سەر بنکەکانی پەکەکە لە ناوچەکانی مەتینا و خواکورکی باشووری کوردستان ئەنجامداوە.
وەزارەتەکە ئیدیعای ئەوەی کردووە کە لە ئەنجامی ئەو هێرشانەدا، لە خواکورک 10 گەریلا و لە مەتیناش گەریلایەکی پەکەکە کراونەتە ئامانج، واتە بە گشتی لە هەر دوو ناوچەکەدا 11 گەریلای پەکەکە لەماوەی 24 کاتژمێری ڕابردوودا کراونەتە ئامانج و گیانیان لەدەستداوە.