ئۆتۆمبێلێکی سەربازیی ئەرتەشی تورکیا لەسەر ڕێگای جزیر- شێرناخ، وەرگەڕاوە.
لەئەنجامی وەرگەڕانی ئۆتۆمبێلێکی سەربازیدا لە شارۆچکەی “قەسرکێ”ی سەر بە پارێزگای شێرناخ لە باکوری کوردستان، 6 چەکداری تورکیا برینداربوون.
بەپێی زانیارییەکان، ئێوارەی ڕۆژی چوارشەممە 30/10/2024، ئۆتۆمبێلێکی سەربازیی ئەرتەشی دەوڵەتی تورک لەسەر ڕێگای جزیر- شێرناخ لە شارۆچکەی قەسرکێ، وەرگەڕا.
لە ڕووداوەکەدا 6 چەکداری تورک بریندار بوون.
پاش ئاگادارکردنەوەیان، تیمەکانی فریاکەوتن گەیستوونەتە شوینی ڕووداوەکە و هەر 6 چەکدارە بریندارەکەیان رەوانەی نەخۆشخانەکانی دەوڵەت لە جزیر و شێرناخ کردووە.
