درۆ و چەواشەکارییەکانی پەکەکە بە ڕوونی دەریدەخات کە پەکەکە کێشەیەکی گەورە بۆ هاوپەیمانی کوردی لە ڕۆژئاڤا دروست دەکات.
پەکەکە بۆتە مەکینەی درۆ و بوختان و بۆ بەدەستهێنانی هەندێک بەرژەوەندی تەسکی حزبی و فریودانی هەندێک گەمژەی لایەنگری خۆی، چەپ و ڕاست درۆ دەکات. پەکەکە هێندە بێشەرم و بێحەیا بووە، کە زەق لە چاوی خەڵک دەڕوانێت و درۆ دەکات. لە دوایین درۆشیدا ئیدیعای ئەوە دەکات کە گۆیا “میت و پاراستن و ئەنەکەسە لە هەولێر کۆبوونەتەوە”.
لەکاتێکدا کە کورد چاوەڕێی یەکڕیزی و یەکیەتیی نەتەوەیی دەکات، چاوەڕێی ئەوە دەکات کە پەیەدە و ئەنەکەسە پێکەوە کۆببنەوە و وێکڕا بە هاوبەشی بچنە دیمەشق بۆ ئەوەی دانوستاندن لەسەر مافەکانی کورد لە سوریای نوێدا بکەن، پەکەکە وەک ئەوەی کە هیچ کارێکی دیکەی نەبێت، هاتووە و درۆیەکی زل و گەورەی وەهای لە میدیاکانیدا بڵاوکردۆتەوە.
میدیای پەکەکە لە هەواڵە درۆیین و قێزەونەکەی خۆیدا دەڵی: “میت و پاراستن و ئەنەکەسە لە 14ی دیسەمبەردا کۆبوونەوەیەکی هاوبەشیان لە هەولێر ئەنجامداوە و لە کۆبوونەوەکەدا بڕیاریان داوە کە ئەنەکەسە لە یەکیەتی و هاوپەیمانەتی کورداندا بەشدار نەبێت”. هەروەک پەکەکە دەناسین، لەم درۆیەی پەکەکە، وا دەردەکەوێت کە ئەو حیزبە پیلانێکی قێزەونی هەیە بۆ ئەوەی کە یەکێتییەکی کوردی لە ڕۆژئاڤای کوردستاندا پێکنەیەت و بۆ ئەم مەبەستەشی هەوڵی زۆر دەدات و دەیهەوێت بەوشێوەیە پارتی ئدیموکراتی کوردستان (پەدەکە) و ئەنەکەسە وەکوو ئاستەنگ لە بەردەم یەکیاتی و هاوپەیمانەتیی کورد لە ڕۆژئاڤا پیشان بدات.
هەتا ئێستا بە ڕوونی دیار نیە کە پەکەکە چ پیلانێکی بۆ ڕێگریکردن لە هاوپەیمانەتی کورد لە ڕۆژئاڤادا هەیە بەڵام ئەم هەواڵەی پەکەکە بە ڕوونی دەریدەخات کە پەکەکە کێشەیەکی گەورە بۆ هاوپەیمانی کوردی لە ڕۆژئاڤا دروست دەکات. چونکە هیچ ئەرگومان و بەڵگەنامەیەکی ڕاستەقینە بوونی نیە کە ئەو هەواڵەی میدیای پەکەکە پشتڕاست بکاتەوە و هەربۆیە ئەم ئیدیعایەی پەکەکە جگە لە درۆ و چەواشەکارییەکی گەورە و زەمینە سازکردن بۆ پیلانێکی قێزەون هیچی دیکە نییە.
تەنها ئەوە ماوە کە پەکەکە لە میدیاکانی خۆیدا لەبری دروشمی بێمانای “بێ سەرۆک ژیان نابێ”، دروشمی “بێ درۆ ژیان نابێ”، بڵاو بکاتەوە.
