هەسەدە ناسنامەی 8 شەڕڤان ئاشکرا دەکات

هەسەدە: ئەو شەڕڤانانە لە وەڵامدانەوەی هێرشی میلیشیاکانی سەر بە حکومەتی ئینتقالیی دیمەشقدا شەهیدبوون.

ناوەندی ڕاگەیاندنی هێزەکانی سووریای دیموکراتیک (هەسەدە) لە ڕاگەیاندراوێکدا ناسنامەی 8 شەڕڤانی ئاشکراکرد.

هێزەکانی سووریای دیموکراتیک (هەسەدە) ڕایگەیاند، ئەو شەڕڤانانە لەکاتی وەڵامدانەوەی هێرشی میلیشیاکانی سەر بە حکومەتی ئینتقالیی دیمەشق لە کۆبانێ و قامیشلۆ و دێرەزوور لە ڕۆژانی نێوان 3 بۆ 26ی ژانیڤەری 2026دا شەهیدبوون.

هەسەدە لە ڕاگەیەندراوەکەیدا، ئاماژەی بەوە کردووە کە شەڕڤانەکانیان لەپێناو پاراستنی شکۆی گەلەکەیان و پاراستنی مافەکانیاندا گیانی خۆیان بەخت کردووە.

هەسەدە سەرەخۆشیی لە بنەماڵەی شەهیدان کردووە و بەڵێنی داوە کە لە پەیڕەوکردنی پرەنسیپەکانیان و پاراستنی مافەکانی گەلەکەیان بەردەوام بن.

ناوی شەڕڤانەکان:

1ـ مزگین ژیان

2ـ کەمال قۆسەر

3ـ حەمێ تفشۆ

4ـ مۆردەم گرێ سپی

5ـ دەمهات

6ـ شەرڤان سەرێ کانی

7ـ مەحموود کۆبانی

8ـ مەزلووم کۆبانی