دو له‌شكه‌رێن ترك ل باشوورێ كوردستانێ هاتن كوشتن

وه‌زاره‌تا به‌ره‌ڤانیێ یا تركیێ ئیرۆ راگهاند كو دو له‌شكه‌رێن وان ل باشوورێ كوردستانێ د ته‌قینا بۆمبه‌یه‌كه‌ په‌كه‌كێ ده‌ هاتنه‌ كوشتن.

وه‌زاره‌تا به‌ره‌ڤانیێ یا تركیێ ئیرۆ رۆژا یه‌كشه‌میێ 11/6/2023ێ راگهاند، د ته‌قینا بۆمبه‌یه‌كه‌ په‌كه‌كێ ده‌ دو له‌شكه‌رێن وان بریندار كه‌تن و پشتره‌ ل نه‌خوه‌شخانێ ژیانا خوه‌ ژ ده‌ست دان.

وه‌زاره‌تا به‌ره‌ڤانیێ ناسنامه‌یا له‌شكه‌رێن كو هاتنه‌ كوشتن ووسا دایه‌ دیار كرن:

پسپۆرێ پیادە چاویش خه‌لیل شاهین.

چاویشێ پیادە جه‌م ئه‌حمه‌د كایا.

وه‌زاره‌تا به‌ره‌ڤانییا تركیێ ل تویته‌را خوه‌ وێنه‌یێن وان پارڤه‌كرنه‌ و ته‌نێ گۆتی یه‌ كو ئه‌و ل هه‌رێما ئۆپه‌راسیۆنا په‌نجه‌ كلیتێ هاتنه‌ كوشتن.

ئارتێشا ترکیێ ل دژی په‌كه‌كێ، ئۆپەراسیۆنەکە به‌ژاهی و ئاسمانی ل نیسانا سالا 2022ێ ب ناڤێ په‌نجه‌ كلیت ل ل هەرێمێن «مەتینا، زاپ و ئاڤاشین – باسیانێ» ده‌ستپێكربوو.