ما شه‌رڤان ژ ڤان زارۆكان چێدبن؟

پارتیا كاركه‌ران كه‌چه‌كه‌ دن یا كورد یا 14 سالی ب ده‌ستێ ئارتێشا ده‌وله‌تا ترك دا كوشتن و راگهاند ئه‌و ملیتانا خه‌تا ئازادییا ژنێ و رێبه‌رێ ئا*پۆ بوو.

رێخستنا په‌كه‌كێ ناسنامه‌یا كه‌چه‌كه‌ دن یا كورد ب ناڤێ «هه‌دیه‌» ئاشكه‌ره‌ كر كو ل 28 تیرمه‌ها ئیسال 2023ێ ل هه‌رێما پێنجوین یا ل سلێمانیێ كه‌تیه‌ به‌ر ئێریشێن بالافرێن كه‌شفێ یێ ده‌وله‌تا ترك یا داگیركه‌ر و به‌ریا 3 رۆژان مرنا وێ ئیفشا كر.

پارتیا كاركه‌ران د داخویانییا راگهاندنا مرنا ڤێ زارۆكێ ده‌ گۆتیه‌: ئه‌و فه‌دایی ئاپۆ بوویه‌!.

كه‌چا ب ناڤێ هه‌دیه‌ وه‌كه‌ ب هه‌زاران كه‌چێن دن یێن كوردان ل سه‌ر ده‌ستێ پارتیا كاركه‌ران هاتیه‌ خاپاندن  و د شه‌ره‌كی بێ واته‌ ده‌ هات فه‌دا كر، ل ده‌مه‌كێ هێژان ته‌مه‌نا وێ ته‌نێ 14 سالن.

پارتیا كاركه‌ران كو ئێدی مرۆڤ دكاره‌ ناڤێ پارتیا زارۆككوژان لێ بكه‌، ژ بۆی چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه‌ و ئه‌ڤ یێك ژ هێلا رێخستنێن ناڤده‌وله‌تی ڤه‌ هاتییه‌ ته‌سپیت كرن.