ب سه‌ده‌ما په‌كه‌كێ تركیێ ب ده‌هان بۆمبه‌ ل 11 گوندێن دهۆكێ باراندن

د 5 رۆژێن رابووری دا‌ ب سه‌ده‌ما لڤ و ته‌ڤگه‌رێن په‌كه‌كێ یێن دۆربه‌را گوندێن پارێزگه‌ها دهۆكێ، ئارتێشا تركیێ ب ده‌هان بۆمبه‌ ل 11 گوند و ده‌ڤه‌رێن پارێزگه‌ها دهۆكێ باراندنه‌، ته‌ڤی شه‌واتا ب ئاقارێ وان گوندان كه‌تی زراره‌ك مه‌زن ب ده‌ڤه‌رێن چاندنیێ ژی كه‌تیه‌، په‌كه‌كه‌ ب ئه‌نقه‌ست ئه‌ڤ شه‌رێ خوه‌ یێ بێ ئه‌نجام ڤه‌گوهاستیه‌ ناڤا گوندان ژ بۆ كو ببن ده‌ڤه‌رێن عه‌سكه‌ری.

گوند و ده‌ڤه‌رێن راستی بۆمبه‌بارانێ هاتین ئه‌ڤن:

پشتا گوندێ سەرگەلێ.

گوندێ مژێ.

پشتا گوندێ گوهەرزێ.

چیایێ هنداڤی ناحیا دێره‌لۆكێ.

پشتا گه‌لیێ دێره‌شێ.

تۆنێلا ل چیایێ هنداڤی گوهەرزێ.

چیایێ هنداڤی گەلیێ گیزێ.

گوندێن دویک و لاتکا ‏ل دەڤەرا زێبارییان.

چەمێن گوندێ سەرگەلێ.

دەڤەرا گیزێ ل ناحیا دێره‌لۆكێ.

گەلیێ بازێ.

ل گۆری ئامارا 5 رۆژێن رابووری یا لڤ و ته‌ڤگه‌رێن په‌كه‌كێ و ئێریشێن تركیێ، ل رۆژێن 10 هه‌یا 14 تیرمه‌ها ئیسال 2024ێ ئارتێشا ترکیێ ب ئێریشێن ئاسمانی و به‌ژاهی 11 گوندێن سەر ب دهۆکێ ڤە بۆمبەباران کرنە و ب ڤێ سەدەمێ زرارەک مەزن ب رەز و باخ و خوه‌زایا دەڤەرێ گهشتیە.

ئێریش ووسا بوون:

ل ‎10/7/2024‏:

• دەمژمێر ‎5:21‏ ئێڤاری تۆپخانه‌یا ئارتێشا تركیێ پشتا گوندێ سەرگەلێ ل ناحیا دێرەلۆکێ ل دەڤەرا نهێلیا و گوندێن مژێ ل دەڤەرا بەرێ گارەی تۆپبارانکرینە و تۆپەک ژوان ب نێزیكی مالا وه‌لاتیەکێ گوندێ سەرگەلێ کەفتیە.

• دەمژمێر ‎11:50‏ تا ‎12:10‏ شەڤێ، بالافرێن هەلیکۆپتەر یێن ئارتێشا تركیێ پشتا گوندێ گوهەرز ل ناحیا دێره‌لۆكێ ل دەڤەرا نهێلیا ب چەکێ دۆشكه‌ بۆردۆمانکریە.

ل ‎11/7/2024:

• دەمژمێر ‎3:00‏ نیڤرۆ تۆپخانه‌یا ئارتێشا تركیێ چیایێ هنداڤی ناحیا دێره‌لۆكێ ل دەڤەرا نهیلیا تۆپبارانکریە.

• دەمژمێر ‎9:10‏ شەڤێ بالافرێن ئارتێشا تركیێ پشتا گه‌لیێ دێره‌شێ ل ده‌ڤه‌را بەرێ گارەی بۆردۆمانکریە، ل هەمان دەم دا تۆنێلا ل چیایێ هنداڤی گوندێ گوهەرزێ بۆردومانکریە.

• دەمژمێر ‎9:20‏ شەڤێ بالافرێن هه‌لیكۆپته‌ر یێن تركیێ ل چه‌كا دۆشكێ ئێریشی شکەفتا بابەکرا ل گەلیێ گوندێ بازێ یێ ل ناحیا کانی ماسێ ل دەڤەرا بەرواری کریە.

ل 14/7/2024:

• دەمژمێر ‎11:15‏ سپێدێ تۆپخانه‌یا ئارتێشا تركیێ چیایێ هنداڤی گەلیێ گیزێ یێ دکەڤیتە هنداڤی ئاقارێ گوندێن دویک و لاتکا ‏ل دەڤەرا زێبارییان تۆپبارانکریە ی ئێک تۆپ لیدایە، ل ڤی جهی په‌كه‌كێ درۆن لێ بلند دكرن.

• دەمژمێر ‎4:11‏ ئێڤاری تۆپخانه‌یا ئارتێشا تركیێ ناڤ چەمێن گوندێ سەرگەلێ ل‏ ناحیا دێره‌لۆكێ ل دەڤەرا نهێلیا تۆپبارانکریە و هژمارا 4 گوللـه‌تۆپان لێدانه‌.

• دەمژمێر ‎3:00‏ تا ‎5:00‏ ئێڤاری تۆپخانه‌یا ئارتێشا تركیێ پتر ژ ‎10‏ گوللـه‌تۆپان ل ناڤ چەمێن سەرگەلێ – دەڤەرا نهێلیا داینه‌.

• دەمژمێر ‎7:07‏ تا ‎7:51‏ مەغرەب بالافرێن ئارتێشا تركیێ 3 جاران تۆنێلا ل هنداڤی ‏گوندێ گوهەرزێ، 3 جاران ئاقارێ گوندێ مژێ و جارەکێ ژی دەڤەرا گیزێ ل ناحیا دێره‌لۆكێ ل دەڤەرا نهێلیا بۆردۆمانکرینە و 7 مووشه‌ك لێداینە.

• دەمژمێر ‎4:00‏ تا ‎6:00‏ ئێڤاری تۆپخانه‌یا ئارتێشا تركیێ نێزیکی ‎20‏ گوللـه‌تۆپان ل گەلیێ بازێ ل دەڤەرا بەرواری بالا داینە.

ژ ده‌ستپێكا مه‌ها گولانێ ڤه‌ ده‌وله‌تا ترك ئێریشێن ئاسمانی ل دژی په‌كه‌كێ ل باشوورێ كوردستانێ تایبه‌ت ل سینۆرێ پارێزگه‌ها دهۆكێ دژوار كرنه‌، په‌كه‌كێ وه‌نداهیێن مه‌زن دا نه‌، ئه‌ڤ یێك ل ده‌مه‌كی تێ کو نێزیكبوونا شه‌ر و په‌ڤچوونان بۆ سینۆرێ گوندێن پارێزگه‌ها دهۆكێ نیگه‌رانیه‌ك مه‌زن ل جه‌م شێنیێن گوندان چێكریه‌ و په‌كه‌كه‌ ڤێ یه‌كێ ب زانه‌بوون دكه‌ و دخوازه‌ ئه‌و گوند و هه‌رێمێن دهۆكێ ژ شێنییان وه‌رن ڤالا كرن.