بووبێ ئەسەر
ھەر سەرۆک و رێبەرەک، ب کەد و خەباتێن خوە، جھ و مەقامان حەق دکن. کەسێن ل جھێن بلند روونشتین و حەق ژ نەیێ، خوە و خەلکێ خوە تێک دبن.
کەس و کەسایەتێن ژیر و زیرەک، مافپارێز، دەمۆکرات، راست و درست ھم وەلاتێ خوە دپارێزن و ھم ژی شەخسیەت و روومەتا گەل و یا خوە.
ئەم وەکە کورد خوەدی دیرۆکەک ب ئێش و ئازارین. ئەم بوونە خوەدی گەلەک سەرۆک و رێبەرێن ھێژا، خەباتکار، خەمخوار و پارێزڤانێن گەلێ خوە. یەک ژ وان ھێژایان ژی سەرۆکوەزیرێ کوردستانێ رێزدار مەسروور بارزانییە.
ئەز وەھا باوەرم کو پرانیا کوردان رێزداری باش ناس دکن. دەما جەنابێ وی چەکا ژ بۆنا ئازادی و سەرخوەبوونا کوردستانێ ھلگرت، ئەو چەک ژ بەژنا وی درێژتر بوو.
رێزدار د ناڤا شەر و تەکۆشینەکا بێ ھەمپا دە، وەکە بابێ خوە، د زارۆکاتیا خوە دە چەک ھلگرت و بوو پێشمێرگەیێ وەلاتێ خوە. ئارمانجا جەنابێ وی یا سەرەکی ئازادی و سەرخوەبوونا کوردستانێ بوو. ئەو رۆژ و ئەڤ رۆژ ژ بۆنا پێکانینا وێ ئارمانجێ تێدکۆشە، کار و خەباتێن بێ وەستان دکە. لۆما ژی بوویە خەمخوار و پارێزڤانێ گەلێ خوە.
ھەر وەھا جەنابێ وی د خوەندنا خوە یا زانکۆیا ئەمەریکایێ دە، خوەندەکاری ھەری زیرەک، ژێھاتی و تێگھشتی بوو. د پۆلا خوە دە، خوەندەکارێ ھەری سەرکەتی بوو. ب وێ زیرەکبوون و تێگھشتنێ دەما زانینگەها خوە دقەدینە، دیسا وەکە پێشمێرگەیەکی ل وەلاتێ خوە ڤەدگەرە و د ناڤا پێشمێرگەیان دە جھێ خوە دگرە. پشتی ئازادیا باشوورێ کوردستانێ، ب وێ تێگھشتن و زیرەکیا خوە، وەکە بەرپرسەکی پاراستنێ ئەرکا خوە ئانی جھ.
د دەما خوە دە ژ بۆنا پاراستنا کوردستانێ، جەنابێ وی بنگەھەکە باش دانی دا کو کوردستان ھەر پاراستی بمینە. ژ بەر کو پاراستنا وەلاتان ب سایا ھێزێن پاراستی ب پێش دکەڤە و خەتەرێن کو بێنە سەر وەلات، دبینە. ل گۆر وێ ژی تەدبیرێن خوە دگرە.
لێ رێزدار مەسروور بارزانی ژ بۆنا گەلێ خوە پتر کار و خزمەتێ بکە، ئەرکا سەرۆکوەزیرتیێ گرت سەر ملێن خوە. ھەر وەھا رێزداری ب تێگشتنا خوە، ب زانەبوون و زانیاریێن خوە ژی ئەڤ بەرپرسیاریا خوە ل گۆر بەرژەوەندیا گەلێ خوە ئانی و تینە جھ. وەکە سەرۆکوەزیرەکی گەلێ خوە یێ ژێھاتی ب ئاوایەکی خاکی هەر رۆژێ ل دەڤەرەکا وەلاتێ خوەیە. دەرد، ئێش و پێویستیێن وەلاتیێن خوە ژ دەڤێ وان دبھیزە دا کو بکاربە ئاریشە و کێمانیێن ھەنە چارەسەر بکە.
رێزدار مەسروور بارزانی ژی وەکە باب و باپیرێ خوە، ل گۆر دەستوور و خالێن رێبازا پیرۆز، ئەرکا خوەیا سەرۆکوەزیریێ، ل گۆر بەرژەوەندیا خەلکێ خوە، ئانیە و تینە جھ. مەژی، بیر و باوەریێن وی ل گۆر خالێن وێ رێبازا پیرۆز کار دکە. لۆما ئەرکا وی یا سەرەکی بوویە خزمەتکار و پارێزڤانێ گەلێ خوە.
ب وێ زانەبوون و تێگھشتنا خوە، ژ سەرۆکوەزیرتیێ پتر بوویە وەکە دادوەرەکی کو دادپەروەری و وەکھەڤیێ د ناڤا گەلێ خوە دە بەلاڤ دکە و ددە زانین. ژ بەر کو وەلاتەکی بێ دادوەری و دادپەروەری، دێ قەدەرا وی تێکچوون بە.
ژ بەر ڤێیە، ھەولدانێن جەنابێ وی ئەوە کو ملەتێ خوە ب ئاوایەکی دادپەروەرانە ل سەر ئەساسێ دادی و وەکھەڤیێ و ل گۆر پێکڤەژیانەکا راستتەقین کو بکاربە ھەرکەسان بکە خوەدی دادپەروەریەک باش، کار دکە. ژ بۆنا کو ل کوردستانا ئازاد مافێ کەس و کەسایەتان، مافێ خەلک و کێمنەتەوەیێن ل کوردستانێ دژین، نەیێ خوارن ئانگۆ وەکە ھەڤ بن، کار دکە، خزمەتێ پێشکێشی ھەمی ھەموەلاتیێن خوە دکە.
ل گۆر خالا پێکڤەژیانێ کو د رێبازێ دە ھاتیە دەستنیشانکرن، ملەتێ خوە ھەتا کو ژێ تێ پەروەردە دکە. ژ بەر کو جەنابێ وی باش دزانە کو ملەتەکی بێ پەروەردە و نەزان ئێخسیری تێکچوونێیە.
لەورا ئەم کورد ئیرۆ ب سایا کەد و خەباتێن نەڤیێ بارزانیێ نەمر و کورێ بناغەیێ داوی یێ رێبازا پیرۆز سەرۆک بارزانی، رێزدار مەسروور بارزانی د بن کۆنێ ئازادی و سەرخوەبوونا کوردستانێ دە ب ئارامی دژین. ھەگەر ئەم کورد ژی ب ھەمی ھێز و قاوەتێن خوە، ژ جەنابێ سەرۆکوەزیرێ زیرەک و خەمخوارێ گەلێ خوە رە ببن پالپشت، ھوون باوەربن دێ پشتا کوردان زوو ب زوو نەکەڤە ئەردێ.
ئەم وەکە کوردێن ھەمی کوردستانێ و جیھانێ شاد و بەختەوارین کو ئەم ئیرۆ خوەدی سەرۆکەکی وەکە، مەسعوود بارزانی، سەرۆککۆمارەکی وەکە نێچیرڤان بارزانی و سەرۆکوەزیرەکی وەکە مەسروور بارزانی نە.
ھەتا جەنابێن وان، پێشمێرگەیێن قەھرەمان و ئەو رێبازا پیرۆز کو خالێن وێ د ناڤا ھەمی کوردان دە بێ زانین و پێک ئانین، ھوون بزانبن کو دێ کوردستان ژی ھەر پاراستی بە و دێ ھەر ھەبە.
ئێدی دڤێت ملەتێ کورد بریارا خوە بدە، یان کۆلەتی و بندەستی، یان ژی خوەدی ل ڤان جامێرانا و رێبازا پیرۆز دەرکەتاندن بە کو ئەم ژی بگهین مافێ خوە یێ رەوا. ئەو ژی سەرخوەبوونا باشوورێ کوردستانێیە.
