بووبێ ئەسەر
مرۆڤ ژ بەر خەباتێن خوەیێن ئەبەدی، چاندی ژ بۆنا زمان و پێشڤەچوونا چاندێ، ژ بۆنا مرۆڤاھیێ، ژ بۆنا پاراستنا ژینگەھەکا پاقژ، ژ بۆنا راوەستاندنا شەران و ژ بۆنا ئاشتی و دەمۆکراسیێ کار دکە، پرۆژەیان پێشکێش دکە دا کو ل ھەمبەر کارێن پیرۆز و دەلال ببن خوەدیێ خەلاتا نۆبەلێ.
لێ دەما ئەم ل دیرۆکا سەرۆک بارزانی دنێرین، ب راستی ژی کەسایەتێن وەکە جەنابێ وی گەلەک کێمن. سەرۆک ھەم ب خاکیبوونا خوە، ھم ب کار و خەباتێن خوەیێن ژ بۆنا گەلێ خوە و دەمۆکراسیێ کرینە، جھێ پەسناندنێ یە.
سەرۆک ژیان و تەکۆشینا خوە ژ بۆنا ئازادی و سەرخوەبوونا کوردستانا خوە تەرخان کرییە. لۆما جەنابێ وی د جوانیا خوە دە بوو بوو پێشمەرگە و ھەتا ھەبە ژی دێ وەکە پێشمەرگەیەکی بژی. د ناڤا ڤێ هەلودان و خەباتێ دە فکر و رامانێن جەنابێ وی ژ بۆنا کوردستانەکا سەربخوە و ئاشتیەک راست د رۆژھلاتا ناڤێن دە، ب سەر بکەڤە، کەد، خەبات، نەرین و دیتنێن جەنابێ وی زەلالن.
ژ بۆنا کوردستانەکا ئازاد و سەربخوە، بەرخوەدان و خزمەتێن جەنابێ وی ل ڤێ جیھانێ تێنە زانین. ھەر وەھا ژ بۆنا پێکڤەژیانەکا راستتەقینە ل کوردستانەکا ئازاد پێک بێ ھەلوەست، گۆتن و نەرینێن جەنابێ وی تێن زانین.
بیر و رایێن جەنابێ وی یێن د دەرحەقێ مرۆڤاھی و کێمنەتەوەیێن ل کوردستانێ ئەم دزانین و دبینین. ژ بەر کو ئیرۆ ل وێ کوردستانا ئازاد مافێ ھەمی کەسێن ل سەر وی ئەردی دژین وەکھەڤن. ژ بۆنا ئەڤ وەکھەڤی و ب ئاوایەکی پێکڤەژیان بهێت دۆماندن، ھەلوەست و ھەولدانێن سەرۆک بارزانی جھێ شانەزیێ نە.
خوەدی ل مافێ ژنێ دەرکەتاندن و پاراستنا جوانان ھەر ئەشکەرەیە کو جەنابێ وی ژ بۆنا گەنج خوەدی ل وەلاتێ خوە دەرکەڤن، ژنێن بنگەھ و بناغەیێن وەلاتی، ب ئەرکێن خوە ڤە رابن، تێبنی و پێشنیارێن وی ڤەکری و زەلالن.
د قادا ناڤنەتەوەیی و د دانوستەندنێن جەنابێ وی دە، ھەمی ئەورۆپی دزانن. لۆما قیمەت و روومەتەکا جەنابێ وی یا مەزن د قادا ناڤنەتەوەیی دە ھەیە. دڤێت ئەم کورد ڤێ یەکێ ب پشتگری گەش و خورت بکن.
لێ مخابن، ئەم وەکە کورد ھێژ نەبوونە خوەدی دەولەتەکا سەربخوە، لۆما ئەم وەکە، سەرۆک، رەوشەنبیر، نڤیسکار و ئاشتیخوازێن کورد، ژ خەلاتا نۆبەلێ بێ پارن.
ب ڤێ سەدەمێ دخوازم دەنگێ خوە بگهینم وێ دەزگەھا پیرۆز کو ل سەر ناڤێ گەلێ کورد خەلاتا ئاشتیێ بدن سەرۆک بارزانی.
ھەر وەھا دەنگ، گازی و ھاوارا خوە دگهینم ھەمی کوردان کو ئەم ب ھەڤرە ھەول بدن دا کو سەرۆک بارزانی ڤێ خەلاتا پیرۆز، ب کار و خزمەتێن خوەیێن ھێژا و د بەر ئاشیتی و دەمۆکراسیێ دە حەق کرییە کو ڤێ خەلاتێ بگرە.
ژ بۆنا ڤێ ژی پێشنیار دکم کو پارتیێن مەیێن سیاسی، رەوشەنبیر و نڤیسکارێن مە، ھەمی بەشێن کوردستانێ یێن ھەر چار پەرچان تێبنی و داخوازێن خوە بگهینن ئاکەدەمیا نۆبلێ و دۆزا وەرگرتنا ڤێ خەلاتا پیرۆز ژ بۆنا سەرۆک بارزانی، بکن.
ژ بیر نەکن گەلەک تشتان ئەم ب خوە دکارین بکین، ئەڤ ژی یەک ژ وانە کو ئەم ب ھەڤرە ژ بۆنا وێ کار و خەباتێ بکن.
وەرگرتنا خەلاتا نۆبلێ یا ل سەر ناڤێ ئاشتیخوازیێ بدن سەرۆک بارزانی، ئەڤ تێ وێ واتایێ کو کورد ژی ئاشیتیخوازن.
