په‌كه‌كه‌یا هلوه‌شیایی ئیرۆ ناسنامه‌یا 11 جوانێن دن یێن كورد ژ رۆژهلاتا كوردستانێ ئاشكه‌ره كر كو 14 سالان به‌رێ جانێ خوه ژ ده‌ست دا نه و مرنا وان هه‌یا رۆژا مه یا ئیرۆ ڤه‌شارتی هشتبوو.
ئیرۆ رۆژا پێنجشه‌می 12 مژدارا 2026ێ رێخستنا په‌كه‌كێ ناسنامه‌یا 11 جوانێن دن یێن كوردان ژ رۆژهلاتا كوردستانێ ئاشكه‌ره كر، كو ژ سالا 2012ێ ڤه جانێ خوه ژ ده‌ست دا نه و ژ نوو ڤه مرنا وان هات راگهاندن.
ئه‌ڤ گه‌ریلا د ده‌م و سالێن جودا ده د ناڤبه‌را سالێن 2012 هه‌یا 2019ێ ل هه‌رێمێن قه‌ندیل، خاكورك، ئاڤاشین، خنێره هه‌روه‌ها ل رۆژئاڤا و باكورێ كوردستانێ، كه‌تنه به‌ر ئێریشێن ده‌وله‌تا ترك و جانێ خوه ژ ده‌ست دا نه.
ناڤێن وان ووسایه:
نادر محه‌مه‌د ژ بانه‌یێ.
موحسن مسته‌فا عه‌زیزی ژ سه‌قزێ.
بایه‌زید ئه‌بوبه‌كر ژ مه‌هابادێ.
هێمن عومه‌ر ژ مه‌هابادێ.
هادی ره‌حیم ژ بانه‌یێ.
محه‌مه‌د خالد ژ پیرانشارێ.
سامان كامه‌ران ژ مه‌هابادێ.
سادق ئیسماعیل ژ مه‌هابادێ.
ئه‌یۆب محه‌مه‌د ژ بۆكانێ.
زه‌كه‌ریا ئه‌بوبه‌كر ژ سه‌رده‌شتێ.
دانیار محه‌مه‌د ئه‌مین ژ سه‌قزێ.
په‌كه‌كێ ناسنامه‌یا ڤان جوانان ئیلان كر و د په‌سنێ وان ده گۆتییه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن.
په‌كه‌كه‌یا هلوه‌شیایی ئه‌ڤ گه‌را سێیه‌مین ئا ناسنامه‌یێن شه‌رڤانێن رۆژهلاتا كوردستانێ یه كو د ڤێ هه‌فته‌یێ ده ئیفشا دكه كو هنه‌ك ژێ یێن سالا 2007ێ نه.
موراد قارایلان رێڤه‌به‌رێ په‌كه‌كێ ده‌ربارێ ده‌ره‌نگ ئیلانكرنا ناڤێن شه‌هیدان گۆتبوو: ئاگاهی ده‌ره‌نگ گهیشتن مه، شه‌ر گران بوو، هایا مه نه‌بوو كو هه‌ڤالێن مه وه‌ندانه!!.
