سه‌رۆكێ ئاساییشا نه‌ته‌وه‌ی ئا ئه‌فغانستانێ، ئیرۆ ده‌ست ژ كار ڤه‌كشاند، پشتی هێزێن ئه‌وله‌هیێ چار كه‌س ژ یه‌ك مالباتێ ب شاشی ڤه، كوشتین.
محه‌مه‌د مه‌عسووم ستانكیزی، سه‌رۆكێ ئاساییشا نه‌ته‌وه‌ییا ئه‌فغانستانێ، ئیرۆ ده‌ست ژ كار ڤه‌كشاند، پشتی هێزێن ئه‌وله‌هیێ چار كه‌س ژ یه‌ك مالباتێ د ئۆپه‌راسیۆنه‌كێ ده ل باژارێ جه‌لال ئاباد ئێ ناڤه‌ندا هه‌رێما ننگه‌رهار ب شاشی ڤه، كوشتین.
هه‌ر ئیرۆ محه‌مه‌د ئه‌شره‌ف غه‌نی، سه‌رۆكێ ئه‌فغانستانێ ده‌ست ژ كار ڤه‌كشینا ستانكیزی په‌ژراند.
ستانكیزی ب یه‌ك ژ سیاسه‌تمه‌دارێن ئه‌فغانی تێ هه‌ژمارتن، وه‌زیر و سه‌رپه‌رشتیارێ به‌رێ ئێ وه‌زاره‌تا به‌ره‌ڤانی و هه‌والگیری ئا ئه‌فغانستانێ بوو.
