هێزێن ئارته‌شا تركیێ ئیرۆ 10 كه‌سێن سڤیل ل هه‌رێما عه‌فرینێ ئا رۆژئاڤا كوردستانێ ده‌سته‌سه‌ر كرن.
رێكخستنه‌كا مافێن مرۆڤان ئا سووریێ ئیرۆ رۆژا پێنجشه‌می ئه‌شكه‌ره كر، هێزێن ئارته‌شا تركیێ و ب هه‌ماهه‌نگییا پۆلیسێن سڤیل كو گرێدای میلیشیایێن ئارته‌شا سووریا ئازادن، 10 وه‌لاتیێن سڤیل ل هه‌رێما عه‌فرینێ ئا رۆژئاڤا كوردستانێ ده‌سته‌سه‌ر كرنه.
وێ رێكخستنێ هه‌روه‌ها دا خویا كرن، ئه‌و كه‌سێن سڤیل ل گوندێ دێرسوانێ ئا سه‌ر ب باژارۆكێ شه‌رایێ ڤه ده‌سته‌سه‌ر كرنه و ژبۆ جهه‌كێ نه‌دیار برنه.
ل گوره‌ی زانیاریێن رێكخستنا مافێن مرۆڤان ئا سووریێ، چه‌ندین ژن د ناڤا وان كه‌سان ده نه كو هاتنه ده‌سته‌سه‌ر كرن، ده‌سته‌سه‌ركرنا وان ژی ژبۆ وه‌رگرتنا فدیێ یه.
رێكخستنا مافێن مرۆڤان ناڤێ وان كه‌سێن سڤیل ژی ئه‌شكه‌ره كرییه:
– له‌تیفا سه‌یدۆ 35 سال.
– ئه‌میره شیهمی 60 سال.
– موه‌لیده عه‌بدولره‌همان 65 سال.
– نه‌بیها خه‌لیل 55 سال.
– ویداد یووسف قاس 60 سال.
– مسته‌فا جامۆ 30 سال.
– ئه‌دهه‌م ئومه‌ر 35 سال.
– هۆرۆ منان ئۆسمان 53 سال .
– هه‌سه‌ن ئه‌همه‌د 27 سال .
