سه‌رۆك كۆمارێ تركیێ ئیرۆ ژڤانا درستكرنا ناڤچه‌یا ئارام ئا باكوورێ سووریێ ئه‌شه‌كه‌ره كر و گۆت: ناڤچه‌یا ئارام وێ ل هه‌فتییا داوی ئا ڤێ مه‌هێ وه‌ره درستكرن.
ره‌جه‌ب ته‌یب ئه‌ردۆگان ئیرۆ د جڤینه‌كا رۆژنامه‌ڤانی ده گۆت: د پرسا دامه‌زراندنا ناڤچه‌یا ئارام ئا رۆژهه‌لاتا فراتێ ل باكوورێ سووریێ گه‌له‌ك رژده، هه‌رو ها ئه‌شكه‌ره كر، ناڤچه‌یا لهڤه‌هاتن ل سه‌ر هاتی كرن، وێ ل هه‌فتی ئا داوی ئا ڤێ مه‌هێ ئیلۆنێ وه‌ره درستكرن.
ئه‌ردۆگان دبێژه: ئه‌نقه‌رێ و واشنتۆنێ د مژارا ناڤچه‌یا ئارام ده ل هه‌ڤ كرنه، هینا وێ ده‌مێ، گه‌ر واشنتۆنێ پابه‌ند نه‌بوو، ئه‌نقه‌ره وێ گاڤێن ته‌كئالی بهاڤێژه.
سه‌رۆك كۆمارێ تركیێ ئارمانجا وه‌لاتێ خوه ژ ناڤچه‌یا ئارام ئه‌شكه‌ره كر و گۆت: وێ پێتری ملیۆن ئاواره ئێن سووریێ ل وێ ناڤچه‌یێ وه‌رن جێگیركرن.
د مژارا ئاواره‌یان ژی ده، ئه‌ردۆگان هۆشداری دان ئه‌ورۆپایێ و گۆت: گه‌ر یه‌كیتیا ئا ئه‌ورۆپایێ ئالیكارییان ژ تركیێ ره نه‌شینه، وێ ده‌ریێ ده‌ركه‌فتنا به‌ر ب ئه‌ورۆپایێ ل ئاواریان وه‌ره ڤه‌كرن.
