ئه‌ردۆگان: ئه‌مێ پرسا رۆژهه‌لاتا فراتێ ب ترامپ ره‌ دیسا گۆتوبێژ بكن

سه‌رۆك كۆمارێ تركیێ ئیرۆ راگهاند؛ ئه‌وێ پرسا رۆژهه‌لاتا فراتێ، جار دن ب سه‌رۆكێ ئه‌مه‌ریكایێ ره‌ گۆتوبێژ بكن.

ره‌جه‌ب ته‌یب ئه‌ردۆگان، سه‌رۆك كۆمارێ تركیێ، ئیرۆ د داخۆیانییه‌كێ ده‌، به‌هسا پێشهاتێن هه‌ری داوی ئێن رۆژهه‌لاتا فراتێ ل باكوورێ سووریێ كر و گۆت: ئه‌وێ جار دن وێ پرسێ ب دۆنالد ترامپ ره‌ ژ نوو ڤه‌ گۆتوبێژ بكه‌ن.

ئه‌ردۆگان ئه‌ڤ گۆتن ئیرۆ ل باژارێ ئه‌سكیشه‌هرێ د جڤینه‌كه‌ پارتا خوه‌ ئا ئاكه‌پێ ده‌ كرنه‌ و هه‌رو ها دیاركر كو دڤێ كریار و ئاخفتنێن ئه‌نقه‌رێ د ده‌ربارا رۆژهه‌لاتا فراتێ ده‌ یه‌ك بگرن.

سه‌رۆكێ تركیێ جار دن بال كشانده‌ سه‌ر ئارمانجا تركیێ ژ پێكئانینا ناڤچه‌یا ئارام ل رۆژهه‌لاتا فراتێ و گۆت: ئه‌مێ 4 ملیۆن په‌نابه‌رێن سووری لێ ئاكنجی بكن.

تركیێ و ئه‌مه‌ریكایێ رێككه‌تن ل سه‌ر پێكئانینا ناڤچه‌یا ئارام ل رۆژهه‌لاتا فراتێ كرنه‌، چاڤه‌رێ ژی تێ كرن، سبه‌ گه‌رێن هه‌ڤبه‌ش ئێن ئارته‌شێن هه‌ردو وه‌لاتان ل جهێ كو دێ ببه‌ ناڤچه‌یا ئارام، وه‌رن كرن.

پوستێن ھەمان بەش