پۆمپێیۆ: ئیرانێ تو جاره‌كێ چه‌كێ ناڤۆكی نابه‌

وەزیرێ دەرڤە ئێ ویلایەتێن یه‌كگرتی ئێن ئەمەریکایێ، د هەڤدیتنەکه‌  کەنالا فۆکس نیۆزێ ده‌، ب ئاماژە دان ب پیرابوونێن ئیرانێ هەمبەری سۆزین وێ د پەیمانا ئەتۆمی ئا هاڤینا سالا 2015ان ده‌ خوەیا کر، تو جاران ئیران وێ چەکی ناڤۆکی ب دەست نەخە، و هەر کارەکە لازم بە، ئەمەریکا وی ئەنجام بدە تاکو ئیران نەگەهە ئامانجا خوە.

مایک پۆمپێیۆ سەبارەت راگەهاندنا ئیرانی بۆ بكارئانینا سانترفیوژێنا پێشکەتی ژ بۆ زیدەتر پیتاندنا یۆرانیۆما زیدەتر ژ وێ ئا بۆ هاتییە دیار کرن د پەیمانا ئەتۆمی دە زەلال کر کو ترامپ ب زەلالی ئەڤ یەک راگهاندییە کو وێ ئیران نەگەهە دەستڤەئانینا چەکێ ناڤۆکی.

د درێژاهییا ئاخفتنێن خوە دە ناڤبری راگهاند، هەرچەند سەرۆکێ ئەمەریکا بەری نها راگهاندییە کو هەر تشت لازم بە وێ ئەمەریکا ئەنجام بدە تاکو بکارە رێگر بە ژ دەستڤە ئانینا چەکی ناڤۆکی ژ ئالیێ ئیرانێ ڤە، ئومێدەوارییا خوە ژی دیار کر ژبۆ وێ یەکی کو جیهان بگەهە ئەمەریکایی ژبو به‌رسینگا ڤان هەولێن ئیرانێ ژ بۆ دەستخستنا چەکی ناڤۆکی.

پۆمپێیۆ راگهاند کو هکوومەتا نها د دەمەکێ دە هاتە سەر کار کو هکوومەتا بووری ئا ئەمەریکایێ ب ملیاران دۆلار ژ هکوومەتا ئیرانی رە دایی بوون و ئەڤ یەکە ببوو ئالیکار ژبۆ پێشدە برنا بەرنامەیا ئیرانی د ڤی واری دە.

 ناڤبری ب دوپات کرن ل سەر ڤی یەکێ کو هکوومەتا سەرۆک ترامپ جودایە، گوت: ((ئەمێ دگەل دەولەتێن کەنداڤی و دگەل ئیسرایلێ و هەموو هەڤالبەندێن خوە ل سەرتاسەری جیهانی کو گەفێن هەبوونا چه‌كێن ناڤۆکی د روژهەلاتا ناڤین ده‌ و د ئیرانی ده‌ فام دکن، وێ هەڤپەیمانی ئێن نوو درست بکین.

پۆمپیو دا خویا کرن کو ئارمانج ئەڤە شیانێن کۆمارا ئیسلامی د دەستخستنا چەکێ ناڤۆکی دە سینوردار بکن و ڤێ یەکی سەرکەتن ئانیە. ناڤبری راگەهاند هزبوللا ئیمکاناتێن کێمتر د دەست دە نە و رەوشا میلیشیا ئێن سەر ب ئیرانی ڤە ل ئیراقی ژی هەر ب ڤی ئاوایی یە.

وەزیرێ دەرڤە ئێ ئەمەریکا سەبارەت وان پرۆبلەمێن ئابووری ئین همبه‌ری ئیرانی بووی د نها ده‌، ب ئاماژە دان ب نرخا مەندەهوشکەرێ هەلکیشانا ئابوورێ د ئیرانێ دە، گوت کو تێ پێشبینی کرن کو بەرهەمئانینا نە خالس ئا نەتەوی ئا ئیرانی د ئیسال دە ب داکەتنا 12 تا 14 % روو ب روو ببە و ئەڤ یەکە دبه‌ سه‌ده‌م کو شیانێن ئیرانێ ژ بو بەرهەمئانینا ئالاڤێن پیدڤی ژ بۆ مەرەمێن وان ئێن نەباش کێم ببە.

پۆمپیو ب دوپات کرن ل سەر ڤێ یەکێ کو هكوومه‌تا سەرۆک ترامپ هەمبەر ئیرانێ هینا نها سەرکەتن دەست خوە ڤە ئانیە، جارەک دن دوپات کر کو وێ ئەمەریکا تو جاران رێ ب ئیرانی نەدە چەکێ ناڤۆکی دەستڤە بینە.

ناڤبری سەبارەت هەڤدیتنا سەرکردێن ئیرانێ و ئەمەریکا ئی د جڤینا داهاتی ئا نەتەوێن یه‌كبووی ده‌ ل نیۆیۆرک د مه‌ها داهاتی دە گۆت کو سەرۆک ترامپ وێ مێزە بکە ئایە وێ ئەڤ یەک د بەرژەوەندا خەلکی ئەمەریکا ده‌ بە یان نە.

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن