هه‌ڤپه‌یمانیا ناڤده‌وله‌تی ئه‌شكه‌ره كر كو یه‌كینه‌یێن پاراستنا گه‌ل یه‌په‌گێ، ته‌ڤ به‌رپرسیاری ئێن خوه ئێن لهه‌ڤهاتنا ناڤچه‌یا ئارام بجهـ كرنه.
فه‌رمانداریا هه‌ڤپه‌یمانیا ناڤده‌وله‌تی ئا ل دژی دائیشێ، ئیرۆ د به‌یانه‌كه نڤیسكی ده، به‌هسا رۆلا یه‌په‌گێ د چارچووڤه‌یا لهه‌ڤهاتنا درستكرنا ناڤچه‌یا ئارام ئا ل رۆژهه‌لاتا فراتێ ده كر و ئه‌شكه‌ره كر، یه‌په‌گێ ته‌ڤ به‌رپرسیاری ئێن خوه ئێن د وێ لهەڤهاتنێ ده، بجهـ كرنه.
هه‌ڤپه‌یمانیا ناڤده‌وله‌تی دبێژه: پێگیریا یه‌په‌گێ ب به‌ند و خالێن لهه‌ڤهاتنا ناڤچه‌یا ئارام، گاڤه‌كه باش و ئه‌رێنی یه و پێویسته ئه‌و یه‌ك هنه‌كێ ژ ترسا تركیێ نه‌هێله.
ئارته‌شێن ئه‌مه‌ریكا و تركیێ دوهـ ده‌ست ب گه‌رێن هه‌ڤبه‌ش ل سنۆرێ رۆژئاڤا كوردستانێ كرن، نه‌خاسمه ل ناڤچه‌یێن د نێڤبه‌را گرێ سپیێ و سه‌رێ كانیێ.
د وان گه‌رێن هه‌ڤبه‌ش ده، ی یه‌په‌گێ ب خوه چه‌په‌رێن خوه راكرن و ئارته‌شا تركیێ ئه‌و یه‌ك ته‌ماشه كر.
هه‌ڤپه‌یمانیا ناڤده‌وله‌تی هه‌موه‌خت ته‌كه‌ز كر كو پشتگریا وان ل یه‌په‌گێ وێ بدۆمه و لهه‌ڤهاتنا ناڤچه‌یا ئارام تو زراره‌كا وێ ل سه‌رپشتگریێ نابه.
