نه‌سروللا: خامنه‌یی وێ سه‌ركێشێ جه‌نگا مه‌زن به‌

ئه‌میندارێ گشتی ئێ هزبوللا ئا لوبنانی، شه‌ڤێ دن به‌هسا جه‌نگه‌كه‌ مه‌زن كر كو ئایه‌توللایێ خامنه‌یی، فه‌رمانداری و سه‌ركێشیێ لێ دكه‌، هه‌ر وەها دبێژه‌: مۆرلا مه‌ ب دۆرپێچان لاواز نابه‌.

هه‌سه‌ن نه‌سروللا، شه‌ڤێ دن د رێوره‌سما ئاشۆرا ئا رۆژا 10 مه‌ها موهه‌ره‌مێ، د جڤینه‌كێ ده‌، به‌هسا پێشهاتێن هه‌ری داوی ئێن ئالۆزیێن ناڤچه‌یێ و دژمناتییا ئه‌مه‌ریكا و ئسرائیلێ كر و گۆت: نها ئه‌مێ د جه‌نگه‌كه‌ هه‌ری مه‌زن ده‌ ل دژی هه‌ر یه‌ك ژ ئه‌مه‌ریكا و ئیسرائیلێ و ئایه‌توللا ئه‌لی خامنه‌یی ئێ رابه‌رێ شۆرشا ئیسلامی ئا ئیرانێ، فه‌رمانداری و سه‌ركێشیا وێ جه‌نگێ دكه‌.

هه‌سه‌ن نه‌سروللا هه‌روه‌ها دبێژه‌: په‌یاما وان ژبۆ دۆنالد ترامپێ سه‌رۆكێ ئه‌مه‌ریكایێ و هه‌روه‌ها بنیامێن نه‌ته‌نیاهۆی ئێ سه‌رۆك وه‌زیرێ ئسرائیلێ ره‌، گه‌لكی زه‌لاله‌، ئه‌و ژی كو تو زرار و زیان ژ سه‌ده‌ما تو فشار و دۆرپێچه‌كێ نا گیهژه‌ مورال وان و ئه‌و سه‌ری ژبۆ وان نا چه‌مینن.

هه‌سه‌ن نه‌سروللا ئێ ئه‌میندارێ هزبوللایێ ده‌مه‌كه‌ ژ ئاستا گه‌فێن خوه‌ ژبۆی ئسرائیلێ و ئه‌مه‌ریكایێ زێده‌ كرنه‌، ب ئاوایه‌كی كو بوویه‌ جهێ هه‌نه‌كان ل جه‌م رایه‌دارێن ئسرائیلێ كو تو گیرنگیه‌كه‌ وه‌ها ب وان گه‌ف و هۆشداری ئێن نه‌سروللای نادن.

پوستێن ھەمان بەش