گۆتوبێژ و جڤینێن ئه‌مه‌ریكا و تركیێ ژبۆ درستكرنا ناڤچه‌یا ئارام ئا ل باكۆرێ سووریێ به‌رده‌وام دكن، ژبۆ وێ ئامانجێ ژی، تێ چاڤه‌رێ كرن شانده‌كه ئاست به‌رز ئا ئارته‌شا ئه‌مه‌ریكایێ سه‌ردانا تركیێ بكه.
ئیرۆ رۆژا سێشه‌می، وه‌زاره‌تا به‌ره‌ڤانی ئا تركیێ د به‌یانه‌كه نڤیسكی ده ئه‌شكه‌ره كر، هه‌ر یه‌ك ژ ستیڤن تویتی فه‌رماندارێ ئارته‌شا ئه‌مه‌ریكایێ ل ئه‌ورۆپایێ و تۆماس بێرگیسۆن جێگرێ فه‌رماندارێ سێنت كۆمێ ئانكو كۆمیتا ناڤین ئا ئارته‌شا ئه‌مه‌ریكایێ، وێ سه‌ردانا تركیێ بكن.
هه‌روه‌ها دا خوه‌یا كرن، شاندا ئارته‌شا ئه‌مه‌ریكایێ وێ ل گه‌ل هه‌یئه‌تا ئه‌ركانا ئارته‌شا تركیێ جڤینان پێكبینه و گۆتوبێژا ناڤچه‌یا ئارام بكن.
وه‌زاره‌تا به‌ره‌ڤانی ئا تركیێ، د ده‌ربارا ناڤچه‌یا ئارام ده كو وێ ل رۆژهه‌لاتا فراتێ وه‌ره درستكرن، ئه‌شكه‌ره كریه، كار و چالاكیێن درستكرنا وێ ناڤچه‌یێ د دۆمن.
