شانده‌كه هكوومه‌تا هه‌رێما كوردستانێ و هه‌یئه‌تا سه‌رۆكتیا پارله‌مه‌نا كوردستانێ، ئیرۆ جڤیان و گۆتوبێژا هنه‌ك پرسگرێكێن د نێڤبه‌را هه‌ولێر و به‌خدایێ ده كرن.
ئیرۆ رۆژا پێنجشه‌می، شانده‌كه هكوومه‌تا هه‌رێما باشۆرێ كوردستانێ، سه‌ردانا پارله‌مه‌نا كوردستانێ كر و ژ ئالیێ هه‌یئەتا سه‌رۆكتیا پارله‌مه‌نێ هات پێشوازی كرن، ئه‌ڤ جڤین ژی ژ بۆ گۆتوبێژا هنه‌ك پرسگرێكێن نێڤبه‌را هه‌ولێرێ و به‌خدایێ ده هات پێكئانین.
شاندا هكوومه‌تێ و هه‌یئه‌تا سه‌رۆكتیا پارله‌مه‌نا كوردستانێ، ئه‌نجامێن داوی جڤینێن شاندێن ته‌كنیكی ئێن هكوومه‌تا هه‌رێمێ و هكوومه‌تا فه‌ده‌رال گۆتوبێژ كرن، هه‌ر وها كانێ چ پێویسته هه‌ولێر بكه.
ئه‌نجوومه‌نا وه‌زیرێن هه‌رێما باشۆرێ كوردستانێ، دوهـ جڤیابوو و بریار دا ل هه‌فتیا داهاتی، شانده‌كه هكوومه‌تێ ژبۆ گۆتوبێژان بچه به‌خدایێ.
