سه‌رۆكێ هه‌رێما كوردستانێ، ئیرۆ رۆژا پێنجشه‌می پێشوازیا وه‌زیرێ پلاندانینا ئیراقا فه‌ده‌رال كر، وبه‌رهێنانا بیانی، سه‌رژمێریا گشتی و هه‌موه‌خت ئاڤه‌دانكرنا ناڤچه‌یێن زرار به‌ركه‌تی ئێن شه‌رێ ته‌رۆرێ گۆتوبێژ كرن.
نێچیرڤان بارزانی، تەکەز ل سەر ھاتنا سەرمایە و وەبەرھێنانا بیانی ژ بۆ ئیراق و ھەرێما کوردستانێ کر و ھاندان، رێخوەشکرن و پێشکێشکرنا ھێسانکاریێ ژ بۆ وەبەرھێنانا بیانی و هه‌ر وها رەخساندنا دەرفەتێن زێدەتر ژ بۆ کەرتێ تایبەت ل ڤێ قۆناخێ و قۆناخێن پێشه‌رۆژا ئیراق و ھەرێما کوردستانێ ده، ب پێویستیەکه پێشینە د ده زانین.
ل ھەڤدیتنا ل گەل د. نووری سەباھ ئەل دلێمی، وەزیرێ پلاندانینا ئیراقێ، نێچیرڤان بارزانی بالکشاند ل سەر وێ یەکێ کو پێشخستن و پێشکەتنا ئابووریێ ل ئیراق و ھەرێما کوردستانێ و باشكرنا رەوشا ئابووری ل وەلات، پێویستی ب سیاسەت، رێکخستن، پلان و بەرنامەیەکه باش هه‌یه و هه‌موه‌خت کارگێریا دارایی و ئاڤێتنا گاڤێن چالاکتر.
ل ھەڤدیتنا کو ئیرۆ پێنچشەمی ل ھەولێر برێڤە چوو، ھەر دو ئالی ھەنگاڤ و ئامادەکاریا ئەنجامدانا سەرژمێریا گشتی ل ئیراقێ و گرینگیا ھەڤکاری و ھەماھەنگی ئێن ئالیێن پەیوەندیدارێن ھکوومەتا فەدەرال و ھکوومەتا ھەرێمێ و ئالیێن ناڤدەولەتی ل ڤێ پرۆسەیێ ده، نرخاندن.
ئامادەکرنا پرۆژەیا بودجەیا گشتی ئا ئیراقێ ژ بۆ سالا 2020ان و پرۆسەیا ئاڤادانکرنا ناڤچەیێن زیانبەرکەتی ئێن شەرێ تەرۆرێ، ب تایبەتی پارێزگەھیا مووسلێ و ئەو ھەنگاڤێن ھەتا نھا ل ڤی واری دە ھاتنە ئاڤێتن، مژارێن دن ئێن ڤێ ھەڤدیتنێ بوون.
