ترا‌مپ: سزایێن سه‌ر ئیرانێ وێ وه‌رن سستكرن

سه‌رۆكێ ئه‌مه‌ریكایێ، ئیدیئایا وێ یه‌كێ دكه‌ كو سزا و دۆرپێچا ل سه‌ر كۆمارا ئیسلامی ئا ئیرانی وێ وه‌رن سستكرن.

ھات ئیدیئاکرن دۆنالد ترامپێ سەرۆکێ ئه‌مه‌ریكایێ، ئەرێنی ل پێشنیازا فره‌نسایێ دنێره‌ كو ئەورۆپا 15 ملیار دۆلاران بده‌ ته‌هرانێ، ژ بۆنا ئیران د ناڤ پەیمانا ناڤۆكی ده‌ بمینە.

ل گۆر نووچەیێن هنه‌ك چاڤكانیان، د ھەڤدیتنا ترامپ و ئێمانوێل ماكرۆنێ سەرۆکۆمارێ فره‌نسایێ ده‌ کو ل 2 ھەفتی ئێن پێشی نها ھاتبوو کرن، ترامپ پێشنیازا فره‌نسایێ ئا كو ئەورۆپا 15 ملیار دۆلاران بدە تەھرانێ یان ژی دۆرپێچان ل سەر نەفتێ سست بکە کو ژ بۆنا ئیران د ناڤ پەیمانا ناڤۆكی ده‌ بمینە، رەد نەکریە.

ل گۆر ئاگاھیێن چاڤکانیان، تەڤی مایك پۆمپێیۆ وەزیرێ کارێن دەرڤه‌ ئێ ئه‌مه‌ریكایێ و رایەدارێن وەزارەتێ، ئەرێنی ل پێشنیازا ماكرۆن دنێرن و تێ تەخمینکرن کو ترامپ ژی پێشنیازا ماكرۆن قەبوول بکە یان ژی بریارێ بده‌ کو دۆرپێچا ل سه‌ر وی وه‌لاتی وه‌ره‌ سستکرن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg