سه‌رۆك وه‌زیرێ به‌رێ ئێ تركیێ و ئه‌ندامێ دیار ئێ پارتا داد و گه‌شه‌پێدانێ ئا ده‌ستهه‌لاتدار، ده‌ست ژ وێ پارتێ ڤه‌كشاند و راگهاند، ئه‌و وێ ته‌ڤگه‌ره‌كه دن ئاڤابكه.
ئه‌همه‌د داودئۆغلو، پشتی كو ته‌ڤگه‌ره‌ك دامه‌زراندی، سه‌ركرداتی ئا ئاكه‌پێ مه‌له‌فا وی ژبۆ ناڤه‌ندا دسپلینێ ڤه‌گوهاستبوو ژ بۆ كو وه‌ره دوورخستن، لێ به‌لێ ده‌ست ژ وێ پارتی ڤه‌كشاند.
د وێ ده‌ربارێ ده، داودئۆغلو هه‌روها هه‌ر یه‌ك ژ پارله‌منته‌رێن به‌رێ ئێن ئاكه‌پێ، ئایهان سه‌فه‌ر ئوستۆن، سه‌لجۆك ئۆزداغ و ئه‌بدوللا باشجی، د پرێسكۆنفه‌ره‌نسه‌كه هه‌ڤپار ده، ئه‌شكه‌ره كرن كو ئه‌و وێ ده‌ست ژ ئاكه‌پێ ڤه‌كشن.
ئه‌همه‌د داودئۆغلو د وێ پرێسكۆنفه‌ره‌نسێ ده، ره‌خنه ل ئاكه‌پێ گرتن و گۆت: ئاكه‌په ژ سیاسه‌تێن خوه ئێن ده‌مۆكراسی دوور كه‌تیه، ژ بۆ كۆ ئاكه‌په ل سه‌ر رێیا راست بمینه وان گه‌له ته‌كۆشین كر، لێ به‌لێ تو ئه‌نجامه ژ وێ ته‌كۆشینا وان ده‌رنه‌كه‌ت.
هه‌روه‌ها ئه‌شكه‌ره كر، ئه‌و ب رێیا ته‌ڤگه‌ره‌كه نوو، وێ خزمه‌تا گه‌لێ تركیێ بكن و بانگا سیاسه‌تڤان و گه‌لێ تركیێ ژی كر ته‌ڤلی ته‌ڤگه‌را نوو ببن.
