ژن و مێرەک ئێن ئەمه‌ریکی ژ ویلایەتا نیۆجەرسی، سکالا ل سەر سەنتەرەکە گرێدائی نه‌خوەشی ئێن زارۆنەبوونێ تۆمار کر، پشتی بوویە خوەدی زارۆیەک کو ل گوری ئیدیئایا وان، ئەڤ زارۆیە ژ ئەنجامێ ئیشتیباها نۆشداران، زارۆیەکە نێزیکاتیا وێ ب دای و بابێن وێ ڤه تونه‌یه، به‌لكو پێتر رەنگێ زارۆیێن ئاسیایێ و ب تایبەت زارۆیێن چینی د دە.
کریستینا کوویدریچ و درۆ ڤاسیلۆیۆسکی، 2 سالان پشتی کو ب رێیا ئاڤسبوونا دەستکرد بووینە خوەدی كه‌چه‌ك، پێزانی کو دێمی ڤێ که‌چێ پێتر نێزیکا دێمی زارۆیێن ئاسیایی و ب تایبەت زارۆیێن چینێ یە.
نەبوونا هیچ جۆرە نێزیکاتیەکێ د ناڤبەرا زارۆیێ و دای و بابا، ئەڤ گۆمان درست کر کو سەنتەرێ چارەسەرکرنا نەزۆکیێ ل دەما ئاڤسكرنا دەستکرد ئا دایکێ ب ئیشتیباهی ئسپێرما زەلامەک ئاسیایی بکار ئانیبه.
ڤان ژن و مێران ل دادگەهێ سکالا ل سەنتەرێ دەرمانکرنا نەزۆکیێ تۆمار کرنه و راگهاندن، ئەو داخوازا قەرەبووکرنه‌كه مادی دکن، ژبەرکو ڤی باسی ئەو ب توندی ئێشاندنە و ئێدی نەشێن خوه‌شیێ ژ ژیانا خوە ببینن.
دادوەرێ بەرپرس ژ وێ سکالایێ، داخواز ژ سەنتەرێ نەزۆکیێ کر کو لیستەیەکه ناڤێن وان کەسان ئێن د وێ دەمێ ده ل وێ سەنتەرێ ل بن چاڤدێریێ ده بوونە بدەن دەست دادگەهێ، لێ بەلی سەنتەری ئەو یەکە قەبوول نەکر و راگهاند ئەوێ تو جاران نهێنیێن نەخوەشێن خوە ئه‌شكه‌ره نەکن.
